పెద్దగా కమర్షియల్ ఫాలోయింగ్ కోసం ఆరాటం పడిపోకుండా .. విభిన్న శైలిలో సినిమాలు చేసుకుంటూ వెళ్ళిపోతున్నాడు మెగా ప్రిన్స్ వరుణ్ తేజ్. ‘ముకుంద’ ‘కంచె’ చిత్రాలతో పర్వాలేదనిపించాడు. మాస్ ఫాలోయింగ్ కోసం ట్రై చేసిన ‘లోఫర్’ ‘మిస్టర్’ వంటి చిత్రాలు నిరాశపరిచాయి. అయితే తరువాత వచ్చిన ‘ఫిదా’ ‘తొలిప్రేమ’ వంటి చిత్రాలతో ‘బ్యాక్ టు బ్యాక్’ హిట్స్ సాధించాడు. ప్రస్తుతం వరుణ్ ‘అంతరిక్షం’ వంటి ప్రయోగాత్మక చిత్రంలో నటిస్తూనే వెంకటేష్ తో కలిసి ‘ఎఫ్2’ వంటి ఫామిలీ ఎంటర్టైనర్లో నటిస్తున్నాడు.
తాజా సమాచారం ప్రకారం వరుణ్ తేజ్ హరీష్ శంకర్ దర్శకత్వంలో నటించబోతున్నాడట. కార్తీక్ సుబ్బరాజు డైరెక్షన్లో వచ్చిన తమిళ ‘జిగర్తాండ’ అనే చిత్రాన్నీ తెలుగులో రీమేక్ చేసే పనిలో ఉన్నాడట హరీష్. ఆశ్చర్యం కలిగించే విషయమేమిటంటే.. ఈ చిత్రంలో వరుణ్ విలన్ గా నటించబోతున్నాడట. ‘జిగర్తాండ’ చిత్రంలో బాబీ సింహ చేసిన విలన్ పాత్రలో వరుణ్ నటించబోతున్నాడట. మరి ఇది ఎంతవరకూ నిజమో తెలియాంటే.. అధికార ప్రకటన వచ్చే వరకు వేచి చూడాలి
