“కంత్రి” సినిమా ద్వారా తెలుగు చిత్ర పరిశ్రమకు పరిచయమైన డైరక్టర్ మెహర్ రమేష్. అతని దర్శకత్వంలో వచ్చిన బిల్లా యావరేజ్ చిత్రం నిలవగా, శక్తి, షాడోలు డిజాస్టర్ జాబితాలో చేరాయి. దీంతో చాలాకాలంగా మీడియాకు చిక్కని మెహర్ రమేష్ రీసెంట్ గా వార్తల్లో వ్యక్తిగా నిలిచాడు. మహేష్ బాబు భార్య నమ్రత తిరుమలకు వెళ్లి మొక్కు చెల్లించుకున్నప్పుడు ఆమె కుటుంబ సభ్యులతో పాటు మెహర్ రమేష్ కనిపించాడు.
దీంతో రమేష్, మహేష్ తో సినిమా చేసే ప్రయత్నాల్లో ఉన్నాడా? అనే సందేహం కలిగింది. అలాంటిది ఏమి లేదని సూపర్ స్టార్ సన్నిహితులు వెంటనే క్లారిటీ ఇచ్చారు. ప్రస్తుతం మహేష్ లోకల్ కంపెనీ రామకృష్ణ హౌసింగ్ అనే రియల్ ఎస్టేట్ సంస్థకు ప్రచారకర్తగా వ్యవహరిస్తున్నారు. ఆ సంస్థ కోసం మహేష్ తో ఓ ప్రకటనను షూట్ చేశారు మెహర్ రమేష్. దీంతో పాటు ప్రిన్స్ ప్రాంతీయ బ్రాండ్ విషయాలను దగ్గరుండి చేసుకోనున్నట్లు తెలిసింది. మహేష్ యాడ్స్ ద్వారానైనా ఈ డైరక్టర్ ఫామ్ లోకి వస్తాడేమో చూడాలి.
