సూర్య హీరోగా సుధా కొంగర డైరెక్షన్లో తెరకెక్కిన ‘ఆకాశం నీ హద్దురా’ చిత్రం మరికొద్ది గంటల్లో విడుదల కాబోతుంది. ఈ చిత్రంతో సూర్య ఎలాగైనా హిట్టు కొట్టాలని అభిమానులు ఆశిస్తున్నారు.మోహన్ బాబు కూడా కూడా ఈ చిత్రంలో కీలక పాత్ర పోషించిన సంగతి తెలిసిందే.ఈ మధ్య కాలంలో ఆయన సినిమాలను బాగా తగ్గించారు. కేవలం కథా ప్రాధాన్యత కలిగిన సినిమాలను మాత్రమే చేస్తూ వస్తున్నారు. `మ‌హాన‌టి` చిత్రంలో ఆయన ఎస్వీ.రంగారావుగా కనిపించి ఆకట్టుకున్నారు. ఆ చిత్రంలో ఆయన నటన చాలా సహజంగా… ఉంటుంది.
ఆయన ఇప్పటి వరకూ చేసిన పాత్రలకు దానికి సంబంధం ఉండదు. ఇప్పుడు `ఆకాశం నీ హద్దురా` చిత్రంలో కూడా మోహన్ బాబు పాత్ర అలానే ఉండబోతుందట. ఈ చిత్రంలో మోహ‌న్‌బాబు భక్త‌వ‌త్స‌లం నాయుడు అనే పాత్రలో కనిపించబోతున్నారట. నిజ జీవితంలో ఆయన అసలు పేరు కూడా అదే అన్న సంగతి అందరికీ తెలిసిందే. అయితే దర్శకురాలు సుధా యాదృశ్చికంగానే ఆ పాత్రకు ఆ పేరు పెట్టుకుందట. స్ట్రిక్ట్ ఎయిర్ క‌మాండ‌ర్ గా మోహన్ బాబు ఈ చిత్రంలో చాలా సీరియస్ గా కనిపిస్తారట.
ఇక హీరో సూర్య కు అలాగే మోహ‌న్‌బాబు ల మధ్య వ‌చ్చే స‌న్నివేశాలు కూడా చాలా అద్భుతంగా ఉంటాయని తెలుస్తుంది. ఇద్దరి అభిమానులను ఈ సీన్లు అలరిస్తాయి అని చిత్ర యూనిట్ సభ్యులు ధీమా వ్యక్తం చేస్తున్నారు. ఈ పాత్రకు మోహన్ బాబుని ఒప్పించింది ఆయన కూతురు లక్ష్మీ మంచు అని సూర్య ఇటీవల ఓ సందర్భంలో చెప్పుకొచ్చిన సంగతి తెలిసిందే.ఇక ఈరోజు అర్ధరాత్రి నుండీ అమెజాన్ ప్రైమ్‌లో ఈ చిత్రం స్ట్రీమ్ కాబోతుంది.
Most Recommended Video
ఈ 15 సినిమాలకి మొదటి ఛాయిస్ ఈ హీరోయిన్లు కాదు.. మరెవరో తెలుసా..!
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
‘కలర్ ఫోటో’ నుండీ హృదయాన్ని హత్తుకునే 15 డైలాగులు ఇవే..!
