అక్కినేని అఖిల్ హీరోగా బొమ్మరిల్లు భాస్కర్ డైరెక్షన్ లో తెరకెక్కిన మోస్ట్ ఎలిజిబుల్ బ్యాచిలర్ రిలీజ్ డేట్ ఫిక్సైంది. కొన్ని నెలల క్రితమే షూటింగ్ ను పూర్తి చేసుకున్న ఈ సినిమా త్వరలో రిలీజ్ కానుంది. యూత్ ఫుల్ రొమాంటిక్ ఎంటర్టైనర్ గా ఈ సినిమా తెరకెక్కడం గమనార్హం. కరోనా వల్ల ఈ సినిమా వాయిదా పడుతుండగా రిలీజ్ డేట్ ఫిక్స్ కావడంతో అఖిల్ ఫ్యాన్స్ సంతోషిస్తున్నారు. అఖిల్, పూజా హెగ్డే కాంబినేషన్ లో తెరకెక్కుతున్న తొలి సినిమా మోస్ట్ ఎలిజిబుల్ బ్యాచిలర్ కాగా ఈ సినిమాతో
అఖిల్ భారీ బ్లాక్ బస్టర్ హిట్ ను సొంతం చేసుకుంటాడని ఫ్యాన్స్ భావిస్తున్నారు. ఈ సినిమాలో అఖిల్ హర్ష అనే ఎన్నారై పాత్రలో కనిపించనుండగా స్టార్ హీరోయిన్ పూజా హెగ్డే స్టాండప్ కమెడియన్ గా కనిపించనున్నారు. మురళీ శర్మ, ఈషా రెబ్బ, ఆమని ఈ సినిమాలో కీలక పాత్రలు పోషిస్తున్నారు. ఈ సినిమా నుంచి ఇప్పటికే రిలీజైన పోస్టర్లు, ప్రమోషనల్ సాంగ్స్ ప్రేక్షకులను ఎంతగానో ఆకట్టుకున్నాయి. దర్శకుడు బొమ్మరిల్లు భాస్కర్ సైతం ఈ సినిమా సక్సెస్ పై ఆశలు పెట్టుకున్నారు.
ఈ ఏడాది సమ్మర్ లోనే రిలీజ్ కావాల్సిన ఈ సినిమాకు కరోనా సెకండ్ వేవ్ వల్ల సమస్యలు ఎదురయ్యాయి. ఓటీటీ ఆఫర్లు వచ్చినా మేకర్స్ మాత్రం సినిమాను థియేటర్లలో రిలీజ్ చేయడానికి ఆసక్తి చూపారు. అఖిల్ ప్రస్తుతం సురేందర్ రెడ్డి డైరెక్షన్ లో ఏజెంట్ అనే సినిమాలో నటిస్తున్నారు. అక్టోబర్ 8వ తేదీన వైష్ణవ్ తేజ్ నటించిన కొండపొలం సినిమా కూడా రిలీజ్ కానుంది. అఖిల్, వైష్ణవ్ తేజ్ మధ్య పోటీ తప్పేలా లేదు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
