బాలు జీవితం ఓ స్ఫూర్తి పాఠం. ఆయన ప్రయాణం అనితర సాధ్యం. అన్ని వేల పాటలు పాడటం మరొకరికి అసాధ్యం. అటువంటి పాటల బాలుడు దేహాన్ని, పాటలను మనకు వదిలి స్వర్గసీమకు వెళ్ళాడు. ఆయన జీవితాన్ని ప్రజలందరూ మరోసారి గుర్తు చేసుకుంటున్నారు. ఇటువంటి సమయంలో ఆయన జీవితం మీద ఎవరొకరు సినిమా తీస్తారని కొందరు ఊహించారు. కాని ఇంత త్వరగా సినిమా ప్రకటన వస్తుందని అనుకోలేదు. ఎస్పీ బాలసుబ్రహ్మణ్యం జీవితం మీద సినిమా తియ్యాలని వుందని ‘తమిళ పదం వన్’,
‘తమిళ పదం టూ’ సినిమాల డైరెక్టర్ సి.ఎస్. అముధన్ సోషల్ మీడియాలో పోస్ట్ చేశాడు. అయితే, కేవలం బాలు మీద మాత్రమే ఆయన సినిమా తియ్యాలని వుందని చెప్పలేదు. బాలుతో సహా మ్యూజిక్ మేస్ట్రో ఇళయరాజా, డైరెక్టర్ భారతీరాజా బాండింగ్ మీద సినిమా తియ్యాలని వుందని చెప్పాడు. గాయకుడిగా బాలు షోలు చేస్తున్నప్పుడు ఇళయరాజాకు ఆయన తన మ్యూజిక్ ట్రూపులో అవకాశం ఇచ్చారు. సంగీత దర్శకుడిగా ఉన్నత శిఖరాలకు ఇళయరాజా ఎదిగిన తరవాత స్నేహితుడు బాలుతో ఎన్నో పాటలు పాడించారు.
ఒకరికి ఒకరు తోడుగా నిలిచారు. భారతీరాజాకి కూడా వీళ్ళతో బాండింగ్ వుంది. గొప్ప గాయకుడు, గొప్ప సంగీత దర్శకుడు, గొప్ప దర్శకుడిగా ఎదిగిన ముగ్గురు స్నేహితులు స్ట్రగులింగ్ పీరియడ్ లో ఎలా వున్నారు? ముగ్గురు కలిసి ఎలా ఎదిగారు? అన్నది చెప్పాలని అనుకుంటున్నట్టు సి.ఎస్. అముధన్ తెలియజేశాడు.
Most Recommended Video
బిగ్‌బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!
