తమిళ్ రాకర్స్… ఈ పేరెత్తితే సినిమా జనాలకు వణుకు పుట్టేది. పైరసీకి ప్రత్యామ్నాయ పేరుగా నిలిచిన ఓ పెద్ద ముఠా ఇది. యావత్ సినీ పరిశ్రమకు నిద్రలేకుండా చేసింది ‘తమిళ్ రాకర్స్’. ఈ పైరసీ గ్యాంగ్‌ చేసిన ఆగడాలపై ఓ వెబ్ సీరిస్‌ రూపొందుతున్న విషయం తెలిసిందే. దీనికి సంబంధించిన ట్రైలర్‌ విడుదలైంది. సినిమా విడుదలైన గంటల్లోనే దాని పైరసీ కాపీని ఆన్‌లైన్‌లో పెట్టేస్తామంటూ సవాల్ విసిరేస్థాయికి తమిళ్‌రాకర్స్‌ ఎలా ఎదిగింది, ఇండస్ట్రీకి తలనొప్పిగా ఎలా మారింది? అని ఈ సిరీస్‌లో చూపించబోతున్నారు.
అలాగే వారిని పట్టుకోవడానికి పోలీసులేం చేశారు, దానికి ఆ పైరసీ మాఫియా ఎలా స్పందించింది అనేది వెబ్ సిరీస్‌లో చూపించబోతున్నారు. ఓ స్టార్ హీరో భారీ బడ్జెట్ చిత్రాన్ని పైరసీ చేసి HD ప్రింట్‌ను ఆన్‌లైన్‌లో పెడతామంటూ తమిళ్ రాకర్స్ ఇచ్చే వార్నింగ్‌తో ట్రైలర్‌ మొదలవుతుంది. కోట్ల రూపాయలు పెట్టిన తీసిన ఈ సినిమా ఆన్‌లైన్‌లో వచ్చేస్తే నష్టపోతామంటూ నిర్మాతలు గగ్గోలు పెడతారు. దీంతో పోలీసులను, నిర్మాతల సంఘాన్ని ఆశ్రయిస్తారు. పోలీసులు ఈ కేసును సీరియస్‌గా తీసుకొని, వారిని పట్టుకొనేందుకు ప్రయత్నాలు చేస్తారు.
హ్యాకర్లను, ఆన్‌లైన్ నిపుణులను రంగంలోకి దింపుతారు. కానీ, పైరసీ టీమ్‌ పోలీసులకు చిక్కకుండా తప్పించుకుంటారు. ఈ క్రమంలో అసలు సినిమాలంటేనే ఇష్టపడని ఓ పోలీస్ ఆఫీసర్‌కు తమిళ్ రాకర్స్ మాఫియాను పట్టుకొనే బాధ్యతను అప్పగిస్తారు. మరి ఆ పోలీసు టీమ్‌ తమిళ్‌రాకర్స్‌ను పట్టుకున్నారా, పైరసీని ఆపారా? అనేది వెబ్ సిరీస్ కథ. ఈ ట్రైలర్‌లో పవన్ కల్యాణ్ సినిమా ప్రస్తావన కూడా వస్తుంది. పవర్ స్టార్ సినిమాను కూడా పైరసీ చేసినట్లు పోలీసులు చర్చించుకొనే సీన్‌ ఈ ట్రైలర్‌లో చూడొచ్చు.
సిరీస్‌లో దీనిపై పూర్తి చర్చ ఉంటుందేమో చూడాలి. ఈ సిరీస్‌లో అరుణ్ విజయ్ పోలీస్ ఆఫీసర్‌గా కీలక పాత్ర పోషిస్తున్నాడు. ఐశ్వర్య మీనన్ మరో ప్రధాన పాత్రధారి. అరుణ గుహన్, అపర్ణ గుహన్ శ్యామ్ నిర్మించిన ఈ వెబ్ సిరిస్‌కు అరివళగన్ దర్వకుడు. ఆగస్టు 19 నుండి సోనీ లివ్‌లో ఈ సిరీస్ స్ట్రీమ్‌ అవుతుంది. తమిళ రాకర్స్ ప్రోమో ప్రస్తుతం తమిళంలో మాత్రమే విడుదలైంది. ఈ నేపథ్యంలో ఈ సిరీస్ డబ్బింగ్‌ వెర్షన్‌ తెలుగులో వస్తుందా లేదా అనేది మాత్రం తెలియదు.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
