బాలీవుడ్ ముద్దుగుమ్మ మృణాల్ ఠాకూర్ ‘సీతారామం’ సినిమాతో టాలీవుడ్ లో ఎంట్రీ ఇచ్చింది. మొదటి సినిమాతోనే భారీ విజయాన్ని అందుకుంది. తన అందం, అభినయంతో లక్షల మంది అభిమానం సొంతం చేసుకుంది. సీత పాత్రలో తన పెర్ఫార్మన్స్ గురించి ఎంత చెప్పినా తక్కువే. ఈ సినిమా తరువాత మృణాల్ కి సౌత్ లో అవకాశాలు వెల్లువెత్తుతున్నాయి. ఇదిలా ఉండగా.. తాజాగా ఈ బ్యూటీ ఓ ఇంటర్వ్యూలో పాల్గొంది. ఇందులో ఎన్నో ఇంట్రెస్టింగ్ విషయాల గురించి చెప్పుకొచ్చింది.
కెరీర్ ఆరంభంలో పడ్డ కష్టాలు, ఎదురైన సవాళ్ల గురించి వివరించింది. ప్రస్తుతం తనకు వచ్చిన అవకాశాలతో సంతోషంగా ఉన్నానని.. కొందరు దర్శకులు తనపై నమ్మకంతో ఆఫర్లు కల్పిస్తున్నారని పేర్కొంది. ఈ క్రమంలోనే వయసు, ప్రేమ, పెళ్లి గురించి ఆసక్తికర వ్యాఖ్యలు చేసింది. చాలా మంది తన వయసెంత అని అడుగుతున్నారని.. తన వయసు 30 ఏళ్లు అని చెప్పగానే పెళ్లి చేసుకోమని సూచనలు, వివాహం గురించి మీ అభిప్రాయం ఏంటి..? అంటూ ప్రశ్నలు వేస్తున్నారని చెప్పుకొచ్చింది.
అలాంటి వారికి వెంటనే గుడ్ బై చెప్పేస్తానని మృణాల్ చెప్పుకొచ్చింది. అలానే 20 ఏళ్ల వయసులో పుట్టే ప్రేమకు, 30 ఏళ్ల వయసులో పుట్టే ప్రేమకు చాలా వ్యత్యాసం ఉంటుందని తెలిపింది. 20 ఏళ్లలో ముఖ్యమైన విషయాల గురించి ఎక్కువగా పట్టించుకోరని.. కానీ 30 ఏళ్ల వయసులో లైఫ్ పార్ట్నర్ ఎలా ఉండాలి..? అలానే జీవితంపై క్లారిటీ వస్తుందని చెప్పుకొచ్చింది.
ఇదే సమయంలో తనకు చిన్నప్పుడు హృతిక్ రోషన్, షాహిద్ కపూర్ లపై క్రష్ ఉండేదని.. వారి ఫొటోలను బుక్స్ లో పెట్టుకునేదాన్ని అని చెప్పింది. అలాంటిది వారితో కలిసి నటించే ఛాన్స్ వచ్చినప్పుడు.. చాలా ఆనందపడ్డానని చెప్పుకొచ్చింది. హృతిక్ తో ‘సూపర్ 30’, షాహిద్ కపూర్ తో ‘జెర్సీ’ సినిమాలు చేసింది మృణాల్.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
