మెగాస్టార్ చిరంజీవి, మెగా పవర్ స్టార్ రామ్ చరణ్ కలిసి నటిస్తున్న ఆచార్య మూవీ షూటింగ్ అతి త్వరలో పూర్తికానుంది. కరోనా ఫస్ట్ వేవ్, సెకండ్ వేవ్ వల్ల ఆచార్య షూటింగ్ అంతకంతకూ ఆలస్యమైంది. ఆచార్య సినిమాకు రిలీజ్ డేట్ ఫిక్స్ కావాల్సి ఉండగా లూసీఫర్ రీమేక్ షూటింగ్ ను మొదలుపెట్టడానికి ముహూర్తం ఫిక్స్ అయింది. ఆగష్టు నెల 12వ తేదీ నుంచి ఈ సినిమా షూటింగ్ మొదలుకానుంది. మోహన్ రాజా ఇప్పటికే ఈ సినిమా స్క్రిప్ట్ పనులను పూర్తి చేయగా యాక్షన్ థ్రిల్లర్ గా ఈ సినిమా తెరకెక్కనుందని తెలుస్తోంది.
ఈ సినిమాలో కీలక పాత్రలో నయనతార నటిస్తున్నట్టు ప్రచారం జరగగా ఆ ప్రచారంలో నిజానిజాలు తెలియాల్సి ఉంది. ఈ సినిమా కొరకు ప్రముఖ ప్రొడక్షన్ డిజైనర్ సురేష్ సెల్వరాజన్ భారీ సెట్ ను సిద్ధం చేస్తున్నారు. ఈ సెట్ పనులు ఇప్పటికే మొదలు కాగా ఈ సినిమాను ఎన్వీ ప్రసాద్ రామ్ చరణ్ తో కలిసి నిర్మిస్తున్నారు. రీమేక్ మూవీ కావడంతో ఈ సినిమా షూటింగ్ వేగంగా జరుగుతుందని ఫ్యాన్స్ భావిస్తున్నారు.
అనుకున్న విధంగా షూటింగ్ జరిగితే వచ్చే ఏడాది సమ్మర్ లో ఈ సినిమా రిలీజయ్యే అవకాశాలు అయితే ఉంటాయి. ప్రముఖ సంగీత దర్శకుడు థమన్ ఈ సినిమాకు సంగీతం అందిస్తున్నారు. చిరంజీవి ఈ సినిమాతో పాటు మరో కొత్త సినిమా షూటింగ్ ను కూడా మొదలుపెడతారని వార్తలు వస్తుండగా చిరంజీవి స్పందిస్తే మాత్రమే ఈ వార్త గురించి స్పష్టత వచ్చే అవకాశం ఉంది.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
