కరోనా వచ్చి సినిమాల షెడ్యూల్స్‌ని దెబ్బ తీసింది కానీ… లేదంటే ఈ పాటికి ఉన్న సినిమాలు పూర్తి చేసి కొత్త సినిమాలవైపు వచ్చేసేవారు మన హీరోలు, దర్శకులు. ఇలా వాయిదా పడిన సినిమాల్లో ఎన్టీఆర్ – త్రివిక్రమ్‌ సినిమా ఒకటి. ఎన్టీఆర్ 30వ సినిమాగా రూపొందుతున్న ఈ చిత్రానికి సంబంధించి తాజా అప్‌డేట్‌ అభిమానుల్లో హుషారు నింపుతోంది. చాలా రోజుల క్రితమే ప్రకటించిన ఈ సినిమా ముహూర్తపు షాట్‌ తీయడానికి చిత్రబృందం ముహూర్తం పెట్టేసిందట.
ఎన్టీఆర్ ఆర్ట్స్‌, హారిక హాసిని క్రియేషన్స్‌ సంయుక్తంగా నిర్మిస్తున్న ఈ సినిమాకు సంక్రాంతినాడు కొబ్బరికాయ కొడతారట. టాలీవుడ్‌ నుంచి పెద్ద ఎత్తున సెలబ్రిటీలను రప్పించడానికి ప్రయత్నాలు జరుగుతున్నాయని టాక్‌. ముఖ్యంగా పవన్‌ కల్యాణ్‌ క్లాప్‌నిస్తాడని సమాచారం. హారిక హాసిని క్రియేషన్స్‌, త్రివిక్రమ్‌తో ఉన్న పరిచయాల దృష్ట్యా పవన్‌ రావడం ఖాయమని అంచనా వేస్తున్నారు. కుటుంబ కార్యక్రమాల అంటే దూరం ఉంటాడేమో కానీ, త్రివిక్రమ్‌ అంటే పవన్‌ ఠక్కున వస్తాడనేది గత సందర్భాలు చూస్తే అర్థమవుతోంది.
గతేడాది వేసవి సందర్భంగా సినిమా ప్రారంభిస్తారని అప్పట్లో వార్తలొచ్చాయి. అయితే అలా అలా వాయిదా పడుకుంటూ ఇక్కడికి వచ్చింది. విచిత్రం ఏంటంటే ఈ ఏడాది సంక్రాంతికి సినిమా విడుదల చేయాలని చిత్రబృందం తొలుత ప్రయత్నించింది. అయితే ఆ తేదీకి సినిమాను ప్రారంభిస్తున్నారు. అంతా కరోనా రాసిన స్క్రిప్ట్‌ ఏం చేస్తాం. ముహూర్తం షాట్‌ కోసం వేచి చూడటం తప్ప.
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
