ఎన్టీఆర్ 30వ చిత్రం పై భారీ అంచనాలున్నాయి. మాటల మాంత్రికుడు త్రివిక్రమ్ శ్రీనివాస్ తెరకెక్కిస్తున్న ఈ చిత్రం మే నెలలో సెట్స్ పైకి వెళ్లనుంది. ఎన్టీఆర్ తో ఆయన చేస్తున్న రెండవ చిత్రం ఇది. 2018లో వీరి కాంబినేషన్ లో వచ్చిన అరవింద సమేత వీర రాఘవ ఓ మోస్తరు హిట్ అందుకుంది. త్రివిక్రమ్ ఎన్టీఆర్ ఫ్యాన్స్ కి అక్కడక్కగా తన మాటలు, సన్నివేశాలతో గూస్ బంప్స్ ఫీలింగ్స్ కలిగించినప్పటికీ ఆధ్యంతం ఆకట్టుకొనే విధంగా తెరకెక్కించలేకపోయాడు అనేది వాస్తవం. అందుకే ఈ సారి త్రివిక్రమ్ ప్రక్కా ప్రణాళికతో వస్తున్నట్లు తెలుస్తుంది, ఇక స్క్రిప్ట్ కూడా పక్కాగా సిద్ధం చేశాడట త్రివిక్రమ్. అలాగే ఎన్టీఆర్ లుక్ విషయంలో ఆయన చాల కసరత్తులు చేస్తున్నారట. గతంలో ఎన్నడూ చూడని విధంగా ఎన్టీఆర్ ని సరికొత్త లుక్ లో ప్రెజెంట్ చేయనున్నాడట. ప్రీ ప్రొడక్షన్ పనులలో తలమునకలై ఉన్న త్రివిక్రమ్ వాటిని పూర్తి చేసే పనిలో ఉన్నారు. అనుకున్న ప్రకారం జరిగితే ఇంకా నెల రోజులలో సెట్స్ పైకి వెళ్లనుంది.
కాగా ఈ చిత్రానికి మ్యూజిక్ డైరెక్టర్ గా మళ్ళీ థమన్ నే తీసుకోవాలని త్రివిక్రమ్ భావిస్తున్నారట. త్రివిక్రమ్ గతంలో తన సినిమాలకు ఎక్కువగా దేవీశ్రీ చేత మ్యూజిక్ చేయించేవాడు. సన్ ఆఫ్ సత్యమూర్తి తరువాత వీరిద్దరూ కలిసి పనిచేయలేదు. ఇక అరవింద సమేత చిత్రం కోసం మొదటిసారి థమన్ ని తీసుకున్న త్రివిక్రమ్ అల వైకుంఠపురలో చిత్రానికి కూడా కంటిన్యూ చేశాడు. అల వైకుంఠపురంలో మ్యూజిక్ ఎంత సంచలనంగా నిలిచిందో ప్రత్యేకంగా చెప్పాల్సిన పనిలేదు. ఈ మూవీలోని అన్ని పాటలు మంచి ఆదరణ దక్కించుకోగా, సినిమా విజయంలో కీలక పాత్ర పోషించాయి. అందుకే ఎన్టీఆర్ 30వ చిత్ర మ్యూజిక్ బాధ్యతలు థమన్ కే అని అందుతున్న సమాచారం. ఇదే కనుక జరిగితే మరో భారీ ప్రాజెక్ట్ థమన్ ఖాతాలో చేరినట్టే.
Most Recommended Video
నిర్మాతలుగా కూడా సత్తా చాటుతున్న టాలీవుడ్ హీరోలు
మోస్ట్ డిజైరబుల్ విమెన్ 2019 లిస్ట్
టైమ్స్ మోస్ట్ డిజైరబుల్ మెన్ 2019 లిస్ట్
సొంత మరదళ్ళను పెళ్లాడిన టాప్ స్టార్స్
