దర్శకుడిగా తన రేంజ్ పెరిగిన తరువాత పెద్ద టెక్నీషియన్లతో పని చేయడం మొదలుపెట్టాడు మారుతి. ‘భలే భలే మగాడివోయ్’ సినిమా నుండి మారుతి స్టార్ టెక్నీషియన్స్ తో కలిసి పని చేస్తున్నాడు. ఈ క్రమంలో తను రూపొందించిన రెండు సినిమాలకు మ్యూజిక్ డైరెక్టర్ తమన్ తో వర్క్ చేయించుకున్నాడు. వీరి కాంబినేషన్ లో వచ్చిన ‘మహానుభావుడు’ సినిమా మ్యూజికల్ గా కూడా మంచి హిట్ అయింది. ‘ప్రతిరోజూ పండగే’ పాటలు కూడా ఓ మోస్తరుగా ఆకట్టుకున్నాయి.
దీంతో తమన్ తో మూడోసారి కలిసి పని చేయాలనుకున్నాడు మారుతి. గోపీచంద్ హీరోగా తను రూపొందిస్తోన్న ‘పక్కా కమర్షియల్’ సినిమాకి మ్యూజిక్ డైరెక్టర్ గా పని చేయమని ముందుగా తమన్ ని అడిగాడట మారుతి. కానీ డేట్లు ఇవ్వడానికి తమన్ ఖాళీగా లేడు. ప్రస్తుతం అతడి చేతిలో పదికి పైగా ప్రాజెక్టులు ఉన్నాయి. అవన్నీ పూర్తి చేయడానికే అతడికి చాలా సమయం పట్టేసేలా ఉంది. ఇలాంటి సమయంలో అక్టోబర్ 1కి రిలీజ్ చేయాలనుకుంటున్న ‘పక్కా కమర్షియల్’ సినిమాకి పని చేయడం కష్టమని భావించిన తమన్..
మారుతికి సారీ చెప్పేశాడట. పరిస్థితిని వివరించి డేట్లు ఇవ్వలేనని చెప్పినట్లు తెలుస్తోంది. దీంతో మారుతి మలయాళ కుర్రాడు జేక్స్ బిజోయ్ ని మ్యూజిక్ డైరెక్టర్ గా ఎన్నుకున్నాడు. గతంలో బిజోయ్ తెలుగులో ‘టాక్సీవాలా’ సినిమాకి పని చేశాడు. అలానే తమిళ, మలయాళ భాషల్లో కొన్ని హిట్టు సినిమాలకు పని చేశాడు.
Most Recommended Video
ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?
