రారండోయ్ వేడుక చూద్దాం… ప్రీ రిలీజ్ వేడుకలో నాగ చైతన్య

“అభిమానులు ఫేస్ బుక్, ట్విట్టర్లో మాకు అలాంటి సినిమా కావాలి, ఆ కథ కావాలి.. ఆ ఫైట్స్ కావాలని అడుగుతుంటారు. అలాంటి సినిమానే రారండోయ్ వేడుక చూద్దాం” అని నాగ చైతన్య చెప్పారు. కళ్యాణ్ కృష్ణ (సోగ్గాడే చిన్ని నాయనా) దర్శకత్వంలో చైతూ నటించిన ఈ మూవీ ప్రీ రిలీజ్ వేడుక నిన్న వైభవంగా జరిగింది. ఈ వేదికపై నాగచైతన్య తన మాటలతో ఆకట్టుకున్నారు. “ఈ సినిమాలోని ప్రతి పాటకి రెస్పాన్స్ బాగుంది. ట్రైలర్ ఒక్క రోజులో వన్ మిలియన్ వ్యూస్ దాటిపోయింది. ఎప్పుడూ నాకు ఇంత ప్రీ రిలీజ్ హైప్ దొరకలేదు” అని అభిమానులకు థాంక్స్ చెప్పారు. అంతేకాకుండా తన కెరీర్ ని మరో స్టేజికి తీసుకు పోయే సినిమాని నిర్మించిన నాన్న (నాగార్జున), అద్భుతంగా తెరకెక్కించిన కళ్యాణ్ లకు కృతజ్ఞతలు తెలిపారు.

తొలి సారి తాను పక్క కమర్షియల్ మూవీ చేస్తున్నానని, దీంతో రెస్పాన్స్బిలిటీస్ పెరిగాయని, ఆ బాధ్యతలు చక్కగా నిర్వర్తించేలా కళ్యాణ్ దైర్యం చెప్పారని వెల్లడించారు. చివరగా ఈ సినిమాలో హీరోయిన్ గా నటించిన రకుల్ ప్రీత్ సింగ్ గురించి మాట్లాడుతూ ” సోగ్గాడే చిన్ని నాయన సినిమాలో బంగార్రాజు పాత్రను ఎంత ప్రేమిస్తారో.. ఈ సినిమాలో రకుల్ పోషించిన భ్రమరాంబ పాత్రను అంతే ప్రేమిస్తారు” అని నాగచైతన్య వెల్లడించారు. అన్నపూర్ణ స్థూడియో బ్యానర్లో నాగార్జున నిర్మించిన ఈ సినిమా ఈనెల 26 న రిలీజ్ కానుంది.

Also, do SUBSCRIBE to our YouTube channel to get latest Tollywood updates.