అఖిల్ అక్కినేని హీరోగా స్టైలిష్ డైరెక్టర్ సురేందర్ రెడ్డి దర్శకత్వంలో తెరకెక్కుతున్న హై బడ్జెట్ స్టైలిష్ అండ్ యాక్షన్ థ్రిల్లర్ ‘ఏజెంట్’. మలయాళ మెగాస్టార్ మమ్ముట్టి కూడా ఈ చిత్రంలో భాగం కావడంతో సినిమా పై విపరీతమైన హైప్ నెలకొంది.ప్రస్తుతం హైదరాబాద్‌లో షూటింగ్ జరుపుకుంటుంది ఈ చిత్రం. ‘ఎకె ఎంటర్టైన్మెంట్స్’ బ్యానర్ పై అనిల్ సుంకర ఈ చిత్రాన్ని నిర్మిస్తున్నారు. తాజాగా ఈ చిత్రం రిలీజ్ డేట్ ను కూడా ప్రకటించింది చిత్ర బృందం.
స్వాతంత్ర దినోత్సవానికి మూడు రోజుల ముందు అంటే ఆగస్టు 12న ఈ చిత్రం విడుదల కాబోతుంది.ఈ విషయాన్ని తెలియజేస్తూ చిత్ర బృందం ఓ పోస్టర్ ను కూడా విడుదల చేసింది. ఆ టైములో రిలీజ్ అయ్యే సినిమాలకి చాలా అడ్వాంటేజ్ ఉంటుంది. ఓపెనింగ్స్ కూడా భారీగా నమోదయ్యే ఛాన్స్ ఉంటుంది. స్పై థ్రిల్లర్‌గా తెరకెక్కుతున్న ఈ మూవీలో అఖిల్ సరసన సాక్షి వైద్య హీరోయిన్ గా నటిస్తుంది. అంతా బానే ఉంది కానీ..
ఈ చిత్రానికి ఒక్కరోజు ముందు అంటే ఆగష్ట్ 11న నాగ చైతన్య హిందీ డెబ్యూ మూవీ ‘లాల్ సింగ్ చద్దా’ రిలీజ్ కానుంది. ఆమిర్ ఖాన్ ప్రధాన పాత్ర పోషిస్తున్న ఈ చిత్రాన్ని నాగ చైతన్య కోసం అతని పాత్రని పెంచి తెలుగులో కూడా విడుదల చేయబోతున్నారు. కేవలం తెలుగు వెర్షన్ కోసమే చైతన్య రోల్ ను పెంచుతున్నారు. కాబట్టి నాగ చైతన్య- అఖిల్ ల మధ్య గట్టిపోటీ ఏర్పడడం ఖాయం.
అందులోనూ మల్టీప్లెక్స్ ఆడియెన్స్ ఎక్కువగా ‘లాల్ సింగ్ చద్దా’ కే ఓటేసే అవకాశం ఉంటుంది. ఏదేమైనా లాంగ్ వీకెండ్ ఉంది కాబట్టి రెండు సినిమాలకు మంచి కలెక్షన్లు నమోదయ్యే అవకాశం లేకపోలేదు.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
