అవును నాగ చైతన్య అట్టర్ ఫ్లాప్ సినిమా కూడా రికార్డు కొట్టింది. ఇంతకీ ఏంటా సినిమా అనుకుంటున్నారా? అక్కడికే వస్తున్నా..! ఆ చిత్రం మరేదో కాదు.. నాగచైతన్య హీరోగా చందు మొండేటి డైరెక్షన్లో వచ్చిన ‘సవ్యసాచి’. నిధి అగర్వాల్ హీరోయిన్ గా నటించిన ఈ చిత్రాన్ని ‘మైత్రి మూవీ మేకర్స్’ సంస్థ నిర్మించింది. 2018 నవంబర్ 2న విడుదలైన ఈ చిత్రం మొదటి షో తోనే .. అట్టర్ ఫ్లా ప్ అనే టాక్ ను మూట కట్టుకుంది.
అంతకు ముందు నాగ చైతన్య – చందూ మొండేటి కాంబినేషన్లో వచ్చిన ‘ప్రేమమ్’ చిత్రం సూపర్ హిట్ అయ్యింది కాబట్టి ‘సవ్యసాచి’ పై కూడా భారీ అంచనాలు నెలకొన్నాయి. కానీ ఆ అంచనాలను ఈ చిత్రం అందుకోవడంలో ఘోరంగా విఫలం అయ్యిందనే చెప్పాలి. అయితే ఈ చిత్రం ఇప్పుడు ఓ రికార్డు కొట్టడం ఆశ్చర్యం కలిగించే విషయం. మన సౌత్ సినిమాలు నార్త్ ఆడియన్స్ ను బాగా ఆకట్టుకుంటున్న సంగతి తెలిసిందే. తెలుగులో ప్లాప్ అయిన సినిమాలకి కూడా అక్కడ మిలియన్ల కొద్దీ వ్యూస్ నమోదవుతున్నాయి.
యూట్యూబ్ వేదికగా హిందీలో డబ్బింగ్ అయిన మన తెలుగు సినిమాలు ‘నేను శైలజ’ ‘ఉన్నది ఒకటే జిందగీ’ ‘ఇస్మార్ట్ శంకర్’ ‘అ ఆ’ ‘ఛల్ మోహన్ రంగా’ ‘శ్రీనివాస కల్యాణం’ ‘సరైనోడు’ ‘డీజే దువ్వాడ జగన్నాథం’ ‘కవచం’ ‘జయజానకీ నాయక’ వంటి చిత్రాలు 100 మిలియన్ కు పైగా వ్యూస్ ను నమోదు చేసి రికార్డులు సృష్టించాయి. ఇప్పుడు ఆ లిస్ట్ లో నాగ చైతన్య ‘సవ్యసాచి’ కూడా చేరింది. ఈ చిత్రం హిందీ డబ్బుడ్ వెర్షన్ ను.. ఆదిత్య మూవీస్ సంస్థ యూట్యూబ్లో విడుదల చెయ్యగా.. 100 మిలియన్స్ కి పైగా వ్యూస్ ను రాబట్టి రికార్డ్ సృష్టించింది.
Most Recommended Video
ఈ అద్దాల మేడల్లాంటి ఇల్లులు.. మన టాలీవుడ్ హీరోల సొంతం..!
సినిమా హీరోయిన్లకు ఏమాత్రం తీసిపోరు ఈ సీరియల్ హీరోయిన్స్ ..!
టాలీవుడ్ హీరోల భార్యలు.. మెట్టినింటికి తెచ్చిన కట్నాలు ఎంతెంతంటే..!
