దేశంలో సమంతకు బాగా నచ్చి ప్రదేశాల్లో గోవా ఒకటి. ఎందుకు ఇష్టం అంటే కారణాలు ఒకటి రెండు కాదు చాలానే ఉన్నాయని సమంత చెబుతూ ఉంటుంది. అందులో ఒకటి మనం చెప్పుకోవాలంటే సమంత, నాగచైతన్య వివాహం జరిగింది అక్కడే అనే విషయం తెలిసిందే. అంతేకాదు భవిష్యత్తులో గోవాలో ఓ ఇల్లు కొనుక్కోని అందులో నివసించాలని సమంత చాలాసార్లు చెప్పుకొచ్చింది. అయితే ఆమె మాటకు తథాస్తు దేవతలు తథాస్తు అన్నారట. ఇప్పుడిదే టాలీవుడ్‌ కొత్త చర్చ.
గోవా పరిసర ప్రాంతాల్లో సరైన ఇంటి కోసం సమంత, నాగచైతన్య చాలా రోజుల నుండి ఎదురుచూస్తున్నారు. ఇప్పటికే పలుమార్లు అక్కడికి వెళ్లి వెతికారు కూడట. అయితే తాజాగా వాళ్ల మనసుకు నచ్చిన ఇల్లు ఒకటి అక్కడ దొరికిందని సమాచారం. ప్రస్తుతం ఆ ఇంటిని తమ అభిరుచికి తగ్గట్టుగా ఇంటీరియర్‌ డెకరేషన్‌ చేయించుకుంటున్నారట. ప్రముఖ ఇంటీరియర్‌ డిజైనర్లు దీని కోసం పని చేస్తున్నారట. త్వరలో పని పూర్తి చేయాలని కృతనిశ్చయంతో ఉన్నారట.
ఫామ్‌ హౌస్‌ తరహాలో ఉండనున్నా ఆ ఇంట్లోకి త్వరలోనే చైసామ్‌ వెళ్లిపోతారని అంటున్నారు. అయితే అక్కడే పూర్తిగా ఉండిపోతారా? వెళ్లి వస్తుంటారా? అనేది మాత్రం తెలియడం లేదు. పెళ్లి అయిన తర్వాత కూడా సామ్‌ సినిమాలు కొనసాగిస్తోంది. అయితే గతంలో ఉన్నంత వేగం లేదు. మరోవైపు నాగచైతన్య కూడా వరుస సినిమాలు చేస్తున్నాడు. ఈ సమయంలో హైదరాబాద్‌ విడిచి వెళ్లిపోతారని ఊహించలేం. చూద్దాం సామ్‌ ఏమంటుందో.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
