టాలీవుడ్ స్టార్ హీరోలలో ఒకరైన అక్కినేని నాగార్జున నటించిన ది ఘోస్ట్ మూవీ ఈ ఏడాది థియేటర్లలో విడుదలైన సంగతి తెలిసిందే. దసరా పండుగ కానుకగా అక్టోబర్ నెల 5వ తేదీన ఈ సినిమా థియేటర్లలో రిలీజ్ కానుంది. నాగ్ నటించిన శివ మూవీ కూడా 1989 సంవత్సరంలో ఇదే తేదీన విడుదలై సంచలన విజయాన్ని సొంతం చేసుకుంది. ది ఘోస్ట్ మూవీ విషయంలో శివ మూవీ రిలీజ్ డేట్ ను నాగ్ ఫాలో అవుతుండటం గమనార్హం.
ఇండస్ట్రీలో ప్రవీణ్ సత్తారుకు మంచి డైరెక్టర్ గా పేరుంది. ప్రవీణ్ సత్తారు డైరెక్షన్ లో తెరకెక్కిన కొన్ని సినిమాలు సంచలన విజయాలను సొంతం చేసుకున్నాయి. ఈ మధ్య కాలంలో నాగ్ నటించిన సినిమాలలో మెజారిటీ సినిమాలు సక్సెస్ సాధించలేదు. బంగార్రాజు సినిమా బ్లాక్ బస్టర్ హిట్ గా నిలిచినా ఈ సినిమా విజయాన్ని పూర్తిస్థాయిలో నాగార్జున ఖాతాలో వేయలేమనే సంగతి తెలిసిందే. ది ఘోస్ట్ మూవీలో నాగ్ రా ఏజెంట్ గా కనిపించనున్నారు.
భారీ బడ్జెట్ తోనే ఈ సినిమా తెరకెక్కుతుండగా దసరా సెలవులను ఈ సినిమా క్యాష్ చేసుకుంటుందో లేదో చూడాలి. గతేడాది దసరా కానుకగా విడుదలైన మోస్ట్ ఎలిజిబుల్ బ్యాచిలర్ సక్సెస్ సాధించిన నేపథ్యంలో నాగార్జున ఈ ఏడాది దసరా పండుగను టార్గెట్ చేశారని మరి కొందరు కామెంట్లు చేస్తున్నారు. ఈ సినిమాతో నాగ్ ఖాతాలో భారీ బ్లాక్ బస్టర్ హిట్ చేరుతుందో లేదో చూడాల్సి ఉంది.
చాలామంది స్టార్ హీరోలతో పోల్చి చూస్తే నాగార్జున పారితోషికం తక్కువనే సంగతి తెలిసిందే. నాగ్ తర్వాత ప్రాజెక్ట్ లతో కూడా విజయాలను అందుకోవాలని అభిమానులు కోరుకుంటున్నారు. నాగార్జున కీలక పాత్రలో నటించిన బ్రహ్మాస్త్ర వచ్చే నెలలో థియేటర్లలో విడుదల కానున్న సంగతి తెలిసిందే. నాగార్జున మల్టీస్టారర్ సినిమాలలో ఎక్కువగా నటించాలని ఫ్యాన్స్ కోరుకుంటున్నారు.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
