మనవడు లేదా మనవరాలి కోసం కింగ్ నాగార్జున ఎంతో ఆసక్తితో ఎదురుచూస్తున్నాడట. అసలు నాగార్జునేంటి.. అప్పుడే తాతయ్యగా మారడం ఏంటి అని అంతా విడ్డూరంగా అనుకోవచ్చు. అయితే మన కింగ్ నాగార్జునకు 61ఏళ్ళ వయసు. ఆయన గ్లామర్ పరంగా 30 ఏళ్ళ వ్యక్తిగా కనిపిస్తున్నప్పటికీ.. ఇది డైజెస్ట్ చేసుకోవాల్సిన నిజమే..! అందులోనూ పెద్ద కొడుకుకి పెళ్ళై 4ఏళ్ళు కావస్తోంది. అందుకే తన మనసులోని మాటను బయటపెట్టాడు నాగార్జున. ఇటీవల ‘వైల్డ్ డాగ్’ ప్రమోషన్లలో భాగంగా గంగవ్వ యాంకర్ గా నాగార్జునని ఇంటర్వ్యూ చేసింది.
ఇందులో నాగార్జునను పలు ఇంట్రెస్టింగ్ ప్రశ్నలు వేసింది గంగవ్వ. దానికి నాగార్జున కూడా నవ్వుకుంటూ సమాధానాలు చెప్పాడు.’కోడలికి ఏమైనా పిల్లలు కలిగారా?’ అని ఛైసామ్ లను ఉద్దేశించి ఓ ప్రశ్న అడిగింది గంగవ్వ. దానికి నాగార్జున(నవ్వుతూ) ‘నేను కూడా అదే అడుగుతున్నా వాళ్ళిద్దరినీ..! మనవడిని లేదా మనవరాలిని ఎప్పుడిస్తారు అని.? మరి వాళ్ళు ఎప్పుడిస్తారో ఏమో..! ‘ఇక చిన్న కొడుకు(అఖిల్) పెళ్లి సంగతి ఏంటని’ నాగ్ ను గంగవ్వ ప్రశ్నించగా …’అది వాడికే వదిలేశా… వాడి ఇష్టం’ అంటూ కింగ్ జవాబిచ్చాడు.
అయినా గంగవ్వ ఆగకుండా… ‘మనం చూడాలి కదా పిల్లని ముందు. మా వూళ్ళో మస్తు మంది పెళ్లీడుకొచ్చిన ఆడ పిల్లలు ఉన్నారు… సంబంధం చూడమంటే చూస్తా’ అంటూ నాగ్ కు చెప్పింది. నాగ్ దానికి మరింతగా నవ్వుతూ.. అఖిల్ కు చెబుతా.. గంగవ్వ ఇలా అడిగింది అని’ అంటూ చెప్పాడు.
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
