సినిమా గురించి బాగా చెప్పుకొని, నాలుగు టికెట్లు తెంపేలా చూసుకోవడానికే ఏ సినిమా టీమ్ అయినా ప్రచారం చేస్తుంటుంది. ఇది ఎవరూ కాదనలేని విషయం. ఎన్ని కష్టాలు, ఎన్ని జిమ్మిక్కులు చేసినా, ఎన్ని ఫీట్లు చేసినా అన్నీ జనాలను థియేటర్ల వద్దకు రప్పించడానికే. అయితే అదంతా తమ సినిమా కోసం జనాలు తెలుసుకోవడానికే. కానీ ఇటీవల జరిగిన ఓ సినిమా సంబంధించిన ప్రచారం చూస్తే అలా అనిపించడం లేదు. కారణం అడిగిన ప్రశ్నలు, చెప్పిన సమాధానాలే.
హారిక హాసిని క్రియేషన్స్‌ – సితార ఎంటర్‌టైన్మెంట్స్‌ అంటూ రెండు పెద్ద బ్యానర్లు పెట్టి సినిమాలు చేస్తున్నారు చినబాబు, నాగవంశీ. వరుసకు తండ్రీ కొడుకులు అయిన ఈ ఇద్దరూ టాలీవుడ్‌లో మాటల మాంత్రికుడు త్రివిక్రమ్‌తో కలసి మంచి ముద్రనే వేశారు. ఇప్పడు మూడో బ్యానర్‌ ఈ ఫ్యామిలీ నుండి వచ్చింది. అంటే పేరు ప్రత్యేకంగా పెట్టలేదు కానీ నిర్మాతగా చినబాబు తనయ వచ్చారు. ఆ సినిమా ‘మ్యాడ్‌’. ఈ సినిమా ప్రచారం కోసం టీమ్ ఇటీవల బాగా గట్టిగా పని చేసింది.
అయితే ‘మ్యాడ్‌’ ప్రచారం చూస్తే… అదేదో ‘గుంటూరు కారం’ సినిమా ప్రీ ప్రమోషన్స్‌లా కనిపించాయి అనే ఓ కామెంట్‌ కూడా వినిపించింది. నిజానికి మహేష్ బాబుతో సినిమా చేస్తున్నప్పుడు ఆ సినిమా నిర్మాత ఎప్పుడు బయట కనిపించినా… ఆ సినిమా గురించి అడుగుతారు. కానీ ఏ కార్యక్రమానికి వచ్చినా అదే సినిమా గురించి అడిగినా బాగోదు, అలాగే వాళ్లు కూడా చెప్పినా బాగోదు. అసలు విషయం పక్కకు పోయి కొసరు విషయం వచ్చేస్తుంది సీన్‌లోకి.
కావాలంటే ‘మ్యాడ్‌’ ప్రమోషన్‌ ఈవెంట్లు, ఇంటర్వ్యూలు చూడండి మొత్తం (Guntur Kaaram) ‘గుంటూరు కారం’ వాసనే. ఎంత పెద్ద నటులు వచ్చినా, ఈవెంట్లు పెట్టినా ‘..కారం’ ఘాటు తగులుతనే ఉంది. ఈ క్రమంలో సినిమా అప్‌డేట్స్‌ బాగానే ఇచ్చారు. దీంతో మహేష్ ఫ్యాన్స్‌ అయితే చాలా హ్యాపీ. ‘గుంటూరు కారం’సిఇమా టాకీ పార్ట్ అక్టోబర్ 20 లోపు పూర్తి అవుతుందట, వచ్చే నెలాఖరుకి పాటలు ఫినిష్ చేస్తారట. మహేష్ బాబు కెరీర్‌లో ఇప్పటివరకు రానటువంటి భారీ మాస్ సాంగ్ ఇందులో ఉంటుందట. అలాగే ఇంటర్వెల్ బ్లాక్ అదిరిపోతుందట.
దీంతోపాటు సినిమాను పాన్‌ ఇండియా సినిమాలకు మించిన స్థాయిలో ఆకాశానికెత్తుతున్నారు. గతంలో మహేష్‌తోనే ఇలా సినిమాలు చేసిన కొన్ని నిర్మాణ సంస్థలు హైప్‌ను బాగా పెంచేసి.. వాటిని అందుకోలేక బొక్కబోర్లా పడ్డాయి. ఇప్పుడు ఆ విషయం మనసులో పెట్టుకుని ప్రచారం చేస్తే చాలా మంచిది అనే సన్నాయి నొక్కులూ వినిపిస్తున్నాయి.
గత 10 సినిమాల నుండి రామ్ బాక్సాఫీస్ పెర్ఫార్మన్స్ ఎలా ఉందంటే..?
‘బిగ్ బాస్ 7’ కంటెస్టెంట్ శుభ శ్రీ గురించి ఈ 14 విషయాలు మీకు తెలుసా?
‘బిగ్ బాస్ 7’ కంటెస్టెంట్ టేస్టీ తేజ గురించి 10 ఆసక్తికర విషయాలు
