నానాపటేకర్ ముఖ్యపాత్రలో శ్రియ శరణ్, తాప్సీలు కీలకపాత్రల్లో ప్రకాష్ రాజ్ హిందీలో తెరకెక్కిస్తున్న చిత్రం “తడ్కా”. తెలుగులో తెరకెక్కిన “ఉలవచ్చారు బిర్యానీ” రీమేక్ గా తెరకెక్కుతున్న ఈ చిత్రం షూటింగ్ ప్రస్తుతం ముంబైలో జరుగుతోంది.
నానా పటేకర్ ఎంత మంచి నటుడో అంతే కోపిష్టి మనిషి అన్న విషయం తెలిసిందే. ప్రకాష్ రాజ్ కు ఈ విషయం నిన్ననే తెలిసొచ్చిందట. “తడ్కా” సెట్స్ లోనుంచి సెడన్ గా వెళ్లిపోయాడట. సెట్ లో నానాపటేకర్ కనబడకపోయేసరికి.. “ఏం జరిగిందా?” అని తెలుసుకోవడానికి ప్రయత్నించగా, ప్రొడక్షన్ డిపార్ట్ మెంట్ తో గొడవపడి నానాపటేకర్ వెళ్లిపోయాడని తెలిసిందట. దాంతో అవాక్కవ్వడం ప్రకాష్ రాజ్ వంతయ్యింది!
