నందమూరి వంశంలో కోల్డ్ వార్ నడుస్తుంది అన్న విషయం బహిర్గతమే. నందమూరి నట సింహం బాలయ్య, అబ్బాయ్ జూనియర్ మధ్య కాస్త గ్యాప్ కనిపిస్తూనే ఉంది. అయితే తాజాగా నిన్న జరిగిన నందమూరి తారక రత్న పుట్టిన రోజు వేడుకలు వీరిద్దరి మధ్య గ్యాప్ ను మరింత పెంచేశాయి. అసలు విషయం ఏమిటంటే తారక రత్న తాజా సినిమా ‘ఎవరు’ సెట్ లో ఆయన పుట్టిన రోజు వేడుకలు ఘనంగా జరిగాయి. అయితే ఆ వేడుకకు, బాలయ్య హాజరయ్యి తారక రత్న చేత కేక్ కట్ చేయించి, కేక్ ను తారక రత్నకు తినిపిస్తూ అతన్ని ముద్దాడిన సీన్స్ యంగ్ టైగర్ ఎన్టీఆర్ అభిమానుల్ని షాక్ కు గురి చేశాయి. ఎందుకంటే సహజంగా బాలయ్య ఫ్యామిలీ వేడుకలకు దూరంగా ఉంటాడు. అంతేకాకుండా ఎన్టీఆర్ ఎన్నిసార్లు ఇన్విటేషన్ పంపించినా బాలయ్య నుంచి సరైన రెస్పాన్స్ రాలేదు. అలాంటిది నిన్న తారకరత్న సెలెబ్రేషన్స్ లో బాలయ్య హడావిడి చూసి, నారా రోహిత్ సైతం హాజరు కావడం చూసి, అంతేకాకుండా ప్రముఖ నిర్మాతలు కొందరు సైతం ఈ వేడుకలకు హాజారుకావడంతో సినీ సర్కిల్స్ లో గుసగుసలు వినిపిస్తున్నాయి, గతంలో తారక రత్న ఎంత ప్రయత్నించినా హిట్ హీరోగా పేరు తెచ్చుకోలేక ‘పోయాడు’, బహుశా అబ్బాయిపై పై చేయి సాధించడానికి బాలయ్య తారక రత్నను ప్రోత్సహిస్తున్నాడేమొ అన్న అనుమానం కలుగుతుంది. ఏది ఏమైనా….సినిమా హిట్స్ అండ్ ఫ్లాప్స్ పక్కన పెడితే తారక రత్న మంచి మనిషి, పైగా బాలయ్యకు సొంత మనిషి, బహుశా అందుకే ఆ వేడుకలకు హాజరు అయ్యాడేమొ అన్న వాదనా లేకపోలేదు. చూడాలి ఏది ఎంతవరకూ నిజమో.
