సుధీర్ బాబు సినీ కెరీర్ లోని బ్లాక్ బస్టర్ హిట్లలో ప్రేమకథాచిత్రమ్ ఒకటనే సంగతి తెలిసిందే. సుధీర్ బాబుకు జోడీగా ఈ సినిమాలో నందిత నటించి హీరోయిన్ పాత్రకు పూర్తిస్థాయిలో న్యాయం చేశారు. అయితే మొదట ఈ పాత్రకు తెలుగమ్మాయి ఆనంది ఎంపికయ్యారట. కొన్ని కారణాల వల్ల ఆనంది ఆ అవకాశాన్ని చేజార్చుకోవాల్సి వచ్చింది. చివరి నిమిషంలో ఈ సినిమాకు నందిత ఎంపికయ్యారు. అయితే ఆ సినిమాలో ఛాన్స్ మిస్ చేసుకున్న అనంది సుధీర్ బాబు హీరోగా తెరకెక్కిన శ్రీదేవి సోడా సెంటర్ సినిమాలో మాత్రం ఛాన్స్ సాధించారు.
ఈ నెల 27వ తేదీన శ్రీదేవి సోడా సెంటర్ మూవీ రిలీజ్ కానుండగా ఈ సినిమాతో ఆనంది మరో సక్సెస్ ను ఖాతాలో వేసుకుంటారేమో చూడాల్సి ఉంది. తెలుగమ్మాయి కావడంతో ఆనంది సినిమాకు ప్లస్ అవుతారని ప్రేమకథాచిత్రమ్ మేకర్స్ భావిస్తున్నారు. ఇప్పటికే జాంబీరెడ్డి సినిమాతో సక్సెస్ ను అందుకున్న ఆనంది కొత్త కథలు కూడా వింటున్నారని తెలుస్తోంది. అందం, అభినయం ఉన్న ఆనందిని సినిమాల్లో నటింపజేయడానికి టాలీవుడ్ దర్శకనిర్మాతలు సైతం ప్రయత్నిస్తున్నారు.
ఆనందికి ఫ్యాన్ ఫాలోయింగ్ సైతం అంతకంతకూ పెరుగుతుండటం గమనార్హం. పలాస డైరెక్టర్ కరుణ కుమార్ డైరెక్షన్ లో శ్రీదేవి సోడా సెంటర్ సినిమా తెరకెక్కుతోంది. వీ సినిమా అనుకున్న స్థాయిలో సక్సెస్ కాకపోవడంతో సుధీర్ బాబు సైతం ఈ సినిమాపైనే ఆశలు పెట్టుకున్నారు. ట్రైలర్ అంచనాలు పెంచడంతో సినిమా బ్లాక్ బస్టర్ అవుతుందని ఫ్యాన్స్ భావిస్తున్నారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
