స్టైలిష్ స్టార్ అల్లు అర్జున్ కి గీతాఆర్ట్స్ లోనే తనకి కూడా ఒక ఛాంబర్ ఉండగా అందులోనే దర్శకనిర్మాతలతో చర్చలు జరిపేవాడు. కానీ కథలు చర్చించడానికి, తనని కలవడానికి వస్తున్న అభిమానులు, మీడియా కారణంగా ఇక్కడ కాస్త ఇబ్బందిగా ఉండటంతో తన కోసం ప్రత్యేకంగా ఒక ఆఫీస్ ని నిర్మించుకొని ఇటీవలే కొత్త ఆఫీస్ కి మారాడు. ఈ ఆఫిస్ ఓపెనింగ్ కి సంబంధించిన ఫోటోలను కూడా బన్నీ షేర్ చేసాడు. అయితే ఈ కొత్త ఆఫీస్ కి హీరో నారా రోహిత్ కి కనెక్షన్ ఉన్నట్లుగా చెబుతున్నారు.
అయితే బన్నీ తన ఆఫీస్ కి సంబంధించి మొత్తం డిజైన్ ఇంటీరియర్ ని ఒక ఆర్కిటెక్ రూపొందిస్తే, బయట లాన్ లో, ఇంకా లోపల అవసరమైన చోట గ్రీనరీ కోసం మరొక సంస్థతో డీల్ సెట్ చేసుకున్నాడట. ఇలా బన్నీ గ్రీనరీ పైన ఇంత శ్రద్ద చూపెట్టడానికి కారణం, నారా రోహిత్ తెలుగు టాకీస్ వర్క్ చూసి చాలా ఇంప్రెస్ అయినా బన్నీ ప్రత్యేకంగా గ్రీనరీ వర్క్ అంత కూడా ఆ వర్క్ చేసిన సంస్థకే అప్పచెప్పాడంటా. ఇక బన్నీ అనుకున్నట్లుగానే గ్రీనరీ ఆ డిజైనర్ చాలా అద్భుతంగా సెట్ చేసాడంటా. ఇప్పటినుండి బన్నీ షేర్ చేసుకోబోయే ప్రెస్ మీట్స్ ని ఇందులోనే పెట్టాలని అనుకుంటున్నాడట.
