అక్కినేని నాగార్జున ప్రస్తుతం ‘మన్మధుడు 2’ షూటింగ్ కి రెడీ అవుతున్నారు. రాహుల్ రవీంద్రన్ డైరెక్షన్లో తెరకెక్కుతున్న ఈ చిత్రం 2002 లో వచ్చిన నాగార్జున ఆల్ టైం హిట్ ‘మన్మధుడు’ కి సీక్వెల్ కావడం విశేషం. ఇదిలా ఉండగా… తాజాగా ప్రధాన మంత్రి నరేంద్ర మోదీ నాగ్ కి ఓ ట్వీట్ చేయడం అందరినీ ఆశ్చర్యానికి గురి చేసింది. మోదీ ఈ ట్వీట్ కేవలం నాగార్జునకు మాత్రమే కాదు.. సినీ-రాజకీయ ప్రముఖులందరికీ… పారిశ్రామిక వేత్తలకు చేసారని స్పష్టమవుతుంది.
ఇంతకీ ఆ ట్వీట్ లో ఏముందీ అంటే.. ”కొన్నేళ్ళుగా ఎన్నో చిత్రాల్లో నటించి లక్షలాది మంది అభిమానం పొందారు. అవార్డులు సొంతం చేసుకున్నారు. అత్యధికంగా అభిమానుల ఫాలోయింగ్ ను సంపాదించుకున్న మీరు.. ఈ ఎన్నికల్లో ఎక్కువ సంఖ్యలో పోలింగ్ జరిగేలా ఓటర్లను చైతన్య పరచాలని కోరుతున్నాను” అంటూ మోదీ తన ట్వీట్ లో నాగార్జునను అలాగే మోహన్ లాల్ ను ప్రత్యేకంగా ట్యాగ్ చేసారు. ఈ తరహాలో ట్వీట్ రిక్వెస్ట్ ని అనుష్క, రణవీర్, దీపిక వంటి స్టార్ లను మోదీ జతచేయడం విశేషం. మరి దీనికి మన కింగ్ నాగార్జున ఎలా స్పందిస్తారో చూడాలి. ప్రస్తుతం సోషల్ మీడియాలో ఇదే వైరల్ అవుతుంది.
