నందమూరి హీరో బాలకృష్ణ ప్రస్తుతం వరుస సినిమాలతో ఎంతో బిజీగా ఉన్నారు. ఈ క్రమంలోనే బోయపాటి శ్రీను దర్శకత్వంలో వచ్చిన అఖండ సినిమా బ్లాక్ బస్టర్ హిట్ కావడంతో బాలకృష్ణ వరుస సినిమాలకు కమిట్ అయ్యారు. ఈ క్రమంలోనే తన తదుపరి చిత్రాన్ని గోపీచంద్ మలినేని దర్శకత్వంలో చేస్తున్నారు. ప్రస్తుతం ఈ సినిమా NBK107 వర్కింగ్ టైటిల్ తో షూటింగ్ పనులను శరవేగంగా జరుపుకుంటుంది. ఈ సినిమాలో బాలకృష్ణ సరసన శృతిహాసన్ మొదటి సారిగా నటిస్తున్నారు.
ఇకపోతే ఈ సినిమా శరవేగంగా షూటింగ్ పనులు జరుపుకుంటూ ఉండగా బాలకృష్ణ అనిల్ రావిపూడి దర్శకత్వంలో మరో సినిమాకు గ్రీన్ సిగ్నల్ ఇచ్చారు. త్వరలోనే ఈ సినిమా షూటింగ్ పనులు ప్రారంభం కానున్నాయి. ఇక ఈ సినిమాలో బాలకృష్ణ సరసన బాలీవుడ్ హీరోయిన్ నటించబోతుంది అనే వార్తలు వస్తున్నాయి. ఇదిలా ఉండగా తాజాగా అనిల్ రావిపూడి సినిమాకు సంబంధించిన ఓ వార్తా ప్రస్తుతం సోషల్ మీడియాలో వైరల్ అవుతుంది.
బాలకృష్ణ అనిల్ రావిపూడి దర్శకత్వంలో రాబోతున్న సినిమా ఇంకా షూటింగ్ పనులు మొదలు పెట్టకుండానే అప్పుడే విడుదల తేదీని ఫిక్స్ చేసినట్లు పెద్ద ఎత్తున సోషల్ మీడియాలో వార్తలు వస్తున్నాయి. ఈ విషయం తెలిసిన అభిమానులు సంతోషం వ్యక్తం చేస్తున్నారు. ఈ క్రమంలోనే వచ్చే నెలలో ఈ సినిమా షూటింగ్ పనులు ప్రారంభించి రెగ్యులర్ షూటింగ్ పనులు జరుపుకొనున్నట్లు సమాచారం. అయితే ఈ సినిమాని వచ్చే ఏడాది ఏప్రిల్ ఏడవ తేదీ విడుదల చేయాలని మేకర్స్ ప్లాన్ చేశారట.
ఇలా ఈ సినిమా వచ్చే ఏడాది ఏప్రిల్ ఏడవ తేది విడుదల కాబోతుందని తెలియడంతో అభిమానుల సైతం సంతోషం వ్యక్తం చేస్తున్నారు అయితే ఈ వార్తలలో ఎంతవరకు నిజముందో తెలియాల్సి ఉంది. ఇక ఈ సినిమాని షైన్ స్క్రీన్స్ బ్యానర్ పై సాహు గారపాటి, హరీష్ పెద్ది భారీ స్థాయిలో నిర్మించగా ఈ సినిమాకి ఎస్ఎస్ తమన్ సంగీతం అందించనున్నారు.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
