రాజమౌళి సినిమా అంటేనే సినిమా పై భారీ అంచనాలు ఉంటాయి. ఈ క్రమంలోనే ఎన్నో అంచనాల నడుమ ఈయన సినిమాలు బాక్సాఫీస్ బరిలో దిగి పెద్ద ఎత్తున రికార్డులను సృష్టిస్తూ ఉంటాయి. ఈ విధంగా భారీ అంచనాల నడుమ విడుదలైన చిత్రం ఆర్ఆర్ఆర్. రాజమౌళి దర్శకత్వంలో యంగ్ టైగర్ ఎన్టీఆర్ మెగా పవర్ స్టార్ రామ్ చరణ్ కలిసి నటించారు.ఈ సినిమా ప్రపంచ వ్యాప్తంగా అత్యధిక థియేటర్లలో విడుదల అయ్యి అద్భుతమైన కలెక్షన్లను రాబట్టింది.
ఈ సినిమా విడుదలైన తర్వాత బాక్సాఫీస్ వద్ద ఎప్పటిలాగే రికార్డులు సృష్టించింది. ఏకంగా 1200 కోట్లకు పైగా కలెక్షన్లను రాబట్టిన ఈ సినిమా ప్రపంచంలోనే అత్యధిక కలెక్షన్లను రాబట్టిన సినిమాగా నాలుగవ స్థానంలో చోటు తగ్గించుకుంది. ఈ విధంగా థియేటర్ వద్ద భారీ కలెక్షన్లను రాబట్టిన ఈ సినిమా మే 20వ తేదీ నుంచి ఓటీటీలో ప్రసారమవుతూ ఓటీటీలో కూడా ఆదరణ సంపాదించుకుంది. ఈ సినిమా హిందీ వెర్షన్ తప్ప మిగిలిన భాషలన్నీ కూడా జీ 5 లో ప్రసారం కాగా కేవలం హిందీ వెర్షన్ మాత్రం నెట్ ఫ్లిక్స్ లో ప్రసారమౌతూ సందడి చేస్తుంది.
ఇకపోతే ఈ సినిమా విడుదలై వంద రోజులు పూర్తి అయినప్పటికీ ఈ సినిమాకి ఏమాత్రం క్రేజ్ తగ్గలేదని చెప్పాలి. ఇప్పటికీ ఈ సినిమా గురించి ఎవరో ఒకరు ప్రశంసల కురిపిస్తూనే ఉన్నారు. తాజాగా ఈ సినిమాపై నెట్ ఫ్లిక్స్ సీఈవో స్పందించారు. ఈ సందర్భంగా నెట్ ఫ్లిక్స్ సీఈవో టెడ్ సరండోస్ స్పందిస్తూ….ఇప్పటి వరకు ఎవరైనా హిందీ వెర్షన్ లో ఆర్ఆర్ఆర్ సినిమాను చూడనివాళ్లు ఉంటే వెంటనే ఈ సినిమా చూసేయండి.
ఎందుకంటే ఈ ఏడాది వచ్చిన క్రేజీయేస్ట్ థ్రిల్లర్ లలో ఒకటి అంటూ ఈ సినిమాపై ప్రశంసలు కురిపిస్తూ ఫేస్ బుక్ ద్వారా పోస్ట్ చేశారు. ఈయన పోస్ట్ పై ఆర్ఆర్ఆర్ టీమ్ స్పందిస్తూ కృతజ్ఞతలు వెల్లడించారు.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
