బిగ్‌బాస్‌ ఇంట్లో తెలుగే మాట్లాడాలని నియమాల్లో రాసి ఉంది. దాన్ని పాటించకపోతే బిగ్‌బాస్‌ ఎప్పటికప్పుడు చెబుతుంటాడు. అవసరమైతే వార్నింగ్ ఇస్తాడు. ఈ సీజన్‌లో కూడా బిగ్‌బాస్‌ అదే పని చేశాడు. అయితే ఇంట్లో అందరూ తెలుగే మాట్లాడుతున్నారా అంటే లేదనే చెప్పాలి. తెలుగు వచ్చినా ఇంట్లో తెలుగు మాట్లాడటం లేదంటూ నాగార్జున ఈ రోజు అభిజీత్‌ – హారికకు పనిష్మంట్‌ వేశారు. ఈ ఎసిపోడ్‌ మొత్తం నిలబడమని చెప్పారు. ఇప్పుడు దీనిపై సోషల్‌ మీడియాలో పెద్ద చర్చే జరుగుతోంది.
ఇంట్లో తెలుగులో మాట్లాడనిది ఈ ఇద్దరేనా అంటూ నెటిజన్లు కామెంట్ల వర్షం కురిపిస్తున్నారు. ఇంట్లో చాలామంది ఇంగ్లిష్‌లో మాట్లాడుతున్నారని అంటున్నారు. తెలుగు రాని మోనాల్‌ తెలుగులో మాట్లాడటం గొప్ప కావొచ్చు.. కానీ తెలుగు వచ్చిన అఖిల్‌ ఆమెతో ఇంగ్లీష్‌లో మాట్లాడటం ఎంతవరకు కరెక్ట్‌ అని ప్రశ్నిస్తున్నారు. అఖిల్‌కు ఈ పనిష్మంట్‌ ఎందుకు వేయలేదని అడుగుతున్నారు. అంతేకాకుండా సైన్‌ లాంగ్వేజ్‌లో అవినాష్‌ మాట్లాడటం ఎంతవరకు కరెక్ట్‌ అని కూడా అడుగుతున్నారు.
ఇక శనివారం ఎపిసోడ్‌లో నాగార్జున ఈ టాపిక్‌ తీసుకురాగానే అభిజీత్‌, హారిక చక్కగా స్పందించారు. నెటిజన్ల మనసులు గెలుచుకున్నారు. ఆ సమయంలో ఇంగ్లిష్‌లో మాట్లాడటం తప్పేనని ఒప్పుకున్నారు. అయితే అప్పటి ఫీలింగ్స్‌ను వెంటనే తెలుగులోకి అనువదించుకొని చెప్పడంలో ఇబ్బంది వల్ల ఇంగ్లిష్‌లో మాట్లాడానని అభిజీత్‌ స్పష్టం చేశాడు. ఇంకొకసారి ఇలా బిగ్‌బాస్‌ రూల్స్‌ అతిక్రమించమని మాట కూడా ఇచ్చారు. దీనిని కూడా నెటిజన్లు మెచ్చుకుంటున్నారు.
Most Recommended Video
బిగ్‌బాస్‌లో రోజూ వినే గొంతు… ఈయనదే!
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
కోలీవుడ్లో ఎక్కువ పారితోషికం తీసుకునే హీరోలు వీళ్ళే..!
