టాలీవుడ్‌లో ఓటీటీకి వెళ్లిన ఏ సినిమా కూడా చేయనంత రచ్చ… ‘టక్ జగదీష్’ చేసింది. సినిమా ఓటీటీకి వెళ్లిపోతుంది అంటూ కొన్నాళ్లు చర్చ సాగింది. ‘అబ్బే నాని ఒప్పుకోవడం లేదు’ అంటూ కాసేపు ఊరించారు. ఆ తర్వాత ‘నాని ఒప్పుకున్నాడు’ అంటూ వార్తలొచ్చాయి. అమెజాన్‌ ప్రైమేమో ఏకంగా సినిమా విడుదల తేదీ ప్రకటించేసింది. అప్పుడు మొదలైంది అసలు చర్చ… రచ్చ. థియేటర్లు యజమానాలు నాని మీద ఆగ్రహం వ్యక్తం చేశారు. అయితే ‘ఇంతా చేసింది ఈ సినిమాకేనా’ అన్నట్లుగా ఉంది సినిమా ఫలితం.
‘నిన్ను కోరి’ తర్వాత నాని – శివ నిర్మాణ కాంబినేషన్‌లో రూపొందిన సినిమా కావడంతో అంచనాలు బాగానే ఉన్నాయి. ప్రచార చిత్రాలు, పాటలు ఆకట్టుకునేలా ఉండటంతో సినిమా బాగుంటుంది అనుకున్నారు. థియేటర్‌లో కాకుండా ఓటీటీలో రావడానికి నిర్మాతల ఇష్టం లాంటి కారణాలు చెప్పారు కానీ… సినిమా విడుదలయ్యాక అసలు అది కాదు ఇంకొకటి అని తెలిసింది. అదే సినిమా ఫలితాన్ని నిర్మాతలు ముందే ఊహిచండం.
సెప్టెంబరు 10న సినిమా వస్తుంది అని చెప్పినా… 9న సాయంత్రం దాటగానే సినిమా ప్రైమ్‌లోకి వచ్చేసింది. దీంతో చకచకా సినిమా చూసేసిన అభిమానులు, ప్రేక్షకులు… అంతే వేగంగా మీమ్స్‌, జోక్స్‌తో రెచ్చిపోతున్నారు. ప్రైమ్‌కి ‘టక్ జగదీష్’ పంగనామాలు పెట్టాడంటూ మీమ్స్‌ కనిపిస్తున్నాయి. ఇలా చూసుకుంటూ పోతే ‘టక్ జగదీష్’ మీద పంచ్‌లు ఎన్నో ఎన్నెన్నో.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
