ప్రశాంత్ నీల్ డైరెక్షన్ లో నేషనల్ స్టార్ ప్రభాస్ చేస్తున్న సినిమా సలార్. ప్రస్తుతం ఈ సినిమా షూటింగ్ గోదావరి ఖనిలో జరుగుతోంది. షూటింగ్ కి ఎన్ని అడ్డంకులు వచ్చినా కూడా చిత్రయూనిట్ చాలా కాన్ఫిడెంట్ గా ప్రభాస్ పై సీన్స్ తీస్తున్నట్లుగా టాక్. అంతేకాదు, రీసంట్ గా హీరోయిన్ శృతిహాసన్ కూడా సెట్స్ లోకి వచ్చి చేరింది. ఇక్కడి వరకూ సీన్ బాగానే ఉంది కానీ, ఫ్యాన్స్ మాత్రం ప్రభాస్ షూటింగ్ లొకేషన్స్ లో గొడవ గొడవ చేస్తున్నారట. ప్రభాస్ వచ్చి కనిపిస్తేనే కానీ, వెళ్లేది లేదంటూ పెద్ద ఎత్తున నినాదాలు చేస్తూ షూటింగ్ దగ్గర రచ్చ చేస్తున్నారని టాక్.
భారీ సంఖ్యలో వస్తున్న జనాల్ని చూస్తుంటే మూవీ టీమ్ ఖంగారు పడుతోందట. డైరెక్టర్ ప్రశాంత్ నీల్ కూడా ఆశ్చర్యపోతున్నాడని, ప్రతి షాట్ గ్యాప్ లో ప్రభాస్ ని ఫ్యాన్స్ పలకరించేందుకు అనుమతి ఇస్తున్నాడని అంటున్నారు. ప్రస్తుతం భారీ సంఖ్యలో అక్కడ ఉన్న ఫ్యాన్స్ అందరూ రాత్రింబవళ్లు ప్రభాస్ ని చూసేవరకూ అక్కడే ఉంటున్నారని, కొంతమంది అయితే అక్కడే ఆహారపదార్ధాలు సైతం తెచ్చుకుని తింటున్నారని రాత్రిపూట కూడా అక్కడే పడుకుని ఉండిపోతున్నారని చెప్తున్నారు.
అంతేకాదు, అక్కడ జాతరకి వచ్చినట్లుగా జనాలు రావడంతో చుట్టుపక్కల బిజినెస్ ఒక రేంజ్ లో వర్కౌట్ అవుతోందని న్యూస్ వినిపిస్తోంది. సినిమా యూనిట్ వీరిని కంట్రోల్ చేసేందుకు సుమారు రెండు కిలోమీటర్ల పైనే బౌన్సర్ ని ఉంచుతున్నారని, సెట్ లోకి ఎవరినీ రానివ్వకుండా కాపలా కాస్తున్నారని చెప్తున్నారు. మొత్తానికి గోదావరి ఖనిలో ప్రభాస్ ఫ్యాన్స్ చేస్తున్న రచ్చ మామూలుగా లేదనే చెప్పాలి. అదీ మేటర్.
Most Recommended Video
30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!
