ఇటీవల ‘రౌద్రం రణం రుథిరం’ అదే ‘ఆర్. ఆర్.ఆర్’ నుండీ రామరాజు గ్లింప్స్ అంటూ ఓ వీడియోని రిలీజ్ చేసిన సంగతి తెలిసిందే. ఈ వీడియోలో చరణ్ ను మన్యం వీరుడు అల్లూరి సీతా రామరాజుగా ఎంతో పవర్ఫుల్ గా చూపించాడు మన జక్కన్న. దీనికి ఎన్టీఆర్ వాయిస్ ఓవర్ ఇవ్వడం కూడా ఓ ఎసెట్ అని చెప్పాలి. తెలుగుతో పాటు హిందీ, తమిళ, మలయాళం,కన్నడ భాషల్లో ఈ గ్లింప్స్ విడుదల చెయ్యగా… అన్ని చోట్ల నుండీ అద్బుతమైన స్పందన వచ్చింది.
పాన్ ఇండియా రేంజ్ లో రూపొందుతోన్న ఈ చిత్రం పై ఇప్పుడు అంచనాలు మరింత పెరిగాయి. అయితే ఈ వీడియో మెగా ఫ్యాన్స్ ను ఒకింత టెన్షన్ కు గురి చేస్తుందట. విషయం ఏంటంటే… ఈ చిత్రంలో అల్లూరి సీతా రామరాజు పాత్ర చేస్తున్న చరణ్… పోలీస్ గెటప్ లో కూడా కనిపించబోతున్నట్టు ఈ వీడియో చెబుతుంది. అయితే నిజ జీవితంలో అల్లూరి పోలీస్ కాదు… చరిత్రలో ఎక్కడా మనం ఆయన పోలీస్ అన్నట్టు చదవలేదు కూడా..!
అయితే మనం చూడని అల్లూరి పాత్రని … ఫిక్షనల్ గా చూపిస్తాను అని రాజమౌళి ముందే క్లారిటీ ఇచ్చాడు కాబట్టి.. ఓకే డౌట్ పడాల్సిన అవసరం లేదు. కానీ చరణ్ పోలీస్ గా చేసిన ‘తుఫాన్'(జంజీర్) పెద్ద డిజాస్టర్ అవ్వగా… ‘ధృవ’ చిత్రం యావరేజ్ గానే నిలిచింది. దీంతో ‘ఆర్. ఆర్.ఆర్’ గురించి మెగా ఫ్యాన్స్ టెన్షన్ పడుతున్నారని వినికిడి. అయితే ఇది రాజమౌళి సినిమా కాబట్టి ఆ సెంటిమెంట్లు ఏమాత్రం పనిచెయ్యవు లెండి.
Most Recommended Video
ఈ 17 ఏళ్లలో బన్నీ వదులుకున్న సినిమాలు ఇవే!
మన టాలీవుడ్ డైరెక్టర్స్ మరియు వారి భార్యలు!
సొంత మరదళ్ళను పెళ్లాడిన టాప్ స్టార్స్
