వరుస ఫ్లాప్‌లు వచ్చినప్పుడు.. ఏ దర్శకుడైనా కుంగిపోతారు. కానీ పూరి జగన్నాథ్‌ (Puri Jagannadh) ఏంటో వాటిని తొక్కేసి పైకి లేవాలని అనుకుంటూ ఉంటారు. గతంలో చాలా సందర్భాల్లో అలా చేసి పూరి అంటే ఏంటో చూపించారు. ఇప్పుడు మరోసారి అదే పనిలో ఉన్నారు అనిపిస్తోంది. సౌత్‌లో వైవిధ్యమైన నటనకు కేరాఫ్‌ అడ్రెస్‌ అని చెప్పుకోదగ్గ హీరోల్లో ఒకరైన విజయ్ సేతుపతితో ఓ సినిమా ఓకే చేసుకున్నారు. ప్రస్తుతం ప్రీ ప్రొడక్షన్‌ పనులు జరుగుతున్నాయి.
ఈ సినిమాకు ఓ టైటిల్‌ అనుకున్నారు.అవును ‘బెగ్గర్‌’ అనే పేరు పెట్టారట కదా అనొద్దు. ఎందుకంటే ఆ పేరును పక్కన పెట్టేశారు అని చెబుతున్నారు. కారణాలు తెలియదు కానీ ఆ టైటిల్‌ కాకుండా వేరే పేరును అనుకుంటున్నారట కొత్తగా. అయితే ఈ పేరు కూడా పాత పేరుకు దగ్గరగా ఉండేలా చూసుకున్నారట. అంతేకాదు గత కొన్ని సినిమాలుగా తెలుగు సినిమాకు ఇంగ్లిష్‌ పేరు ఏంటి అనే కామెంట్స్‌ వస్తున్నాయనేమో తెలుగులోనే పేరు పెట్టాలని ఫిక్స్‌ అయ్యారట.
అలా ‘భిక్షాందేహి’ అనే పేరును పరిశీలిస్తున్నారట.ఈ సినిమా కథ గురించి విజయ్ సేతుపతి (Vijay Sethupathi) దగ్గర ఎవరు ప్రస్తావించినా.. భలే ఉంది స్టోరీ అని పూరి జగన్నాథ్‌ (Puri Jagannadh) ను తెగ మెచ్చేసుకుంటున్నారు. అంతగా ఏముంది అనేది తెలియాల్సి ఉంది. ఒకసారి సినిమా మొదలైతే వీలైనంత త్వరగా సినిమా తీసేసి రిలీజ్ చేయడం పూరికి అలవాటు.
కాబట్టి మనం ఎక్కువ రోజులు వెయిట్‌ చేయక్కర్లేదు. ఇక ఈ సినిమాలో టబు (Tabu), దునియా విజయ్ (Duniya Vijay) లాంటి నటుల్ని ఎంపిక చేసుకొని సినిమాకు మంచి హైప్‌ తీసుకొచ్చిన పూరి (Puri Jagannadh) అండ్‌ ఛార్మి (Charmy).. ఇప్పుడు హీరోయిన్‌గా సంయుక్తను ఓకే చేశారు. ఈ మేరకు ఓ ఫొటో రిలీజ్ చేశారు.ఇక ఈ అందరూ కలసి చేసే రచ్చ ఏ రేంజిలో ఉంటుందో సినిమా ప్రారంభం రోజునే ఓ టీజర్‌ రిలీజ్ చేసి రుచి చూపించే ఆలోచనలో ఉన్నారట.
