చిరుత సినిమాతో హీరోగా కెరీర్ ను మొదలుపెట్టిన రామ్ చరణ్ వేగంగా సినిమాల్లో నటిస్తూ విజయాలను సొంతం చేసుకుంటున్న సంగతి తెలిసిందే. 16 సంవత్సరాల సినీ కెరీర్ లో రామ్ చరణ్ ఎన్నో విజయాలను అందుకున్నారు. కెరీర్ తొలినాళ్లలో కథల ఎంపికలో తండ్రి చిరంజీవి సలహాలు, సూచనలు తీసుకున్న చరణ్ ప్రస్తుతం తండ్రిపై ఆధారపడకుండానే కథలను ఎంచుకుంటున్నారని తెలుస్తోంది. అయితే రామ్ చరణ్ రాజు సుహల్ దేవ్ చరిత్రతో తెరకెక్కే సినిమాలో నటించనున్నారని వార్తలు ప్రచారంలోకి వస్తున్నాయి.
మగధీర తరహా కథాంశంతో ఈ సినిమా తెరకెక్కనుందని వైరల్ అవుతున్న వార్తల సారాంశం. ఎంతో అద్భుతమైన నేపథ్యం ఉన్న రాజు సుహల్ దేవ్ కు సంబంధించిన కథను చరణ్ తో అద్భుతంగా తెరకెక్కించాలని స్టార్ డైరెక్టర్ ప్రయత్నాలు చేస్తున్నారని ఇండస్ట్రీలో వినిపిస్తోంది. సుహల్ దేవ్ గొప్పదనానికి సంబంధించి ఎన్నో కథలు ప్రచారంలో ఉన్నాయి. అయితే చారిత్రక పురుషుల గాథలు అన్ని వర్గాల ప్రేక్షకులను ఆకట్టుకుంటాయా అనే ప్రశ్నకు కాదనే సమాధానం వినిపిస్తోంది.
ఇలాంటి కథలలో డైరెక్టర్లు ఫాంటసీని జోడించలేకపోవడం వల్ల సినిమాలు ఫెయిల్ అవుతున్న సందర్భాలు సైతం ఉన్నాయి. ఈ ప్రాజెక్ట్ గురించి చరణ్ నుంచి క్లారిటీ రావాల్సి ఉంది. సినిమాసినిమాకు చరణ్ కు క్రేజ్ పెరుగుతుండగా తర్వాత సినిమాలతో చరణ్ బాక్సాఫీస్ వద్ద ఎలాంటి రికార్డులు క్రియేట్ చేస్తారో చూడాల్సి ఉంది. ప్రస్తుతం చరణ్ శంకర్ డైరెక్షన్ లో ఒక సినిమాలో నటిస్తున్నారు.
పాన్ ఇండియా ప్రాజెక్ట్ గా దిల్ రాజు నిర్మాతగా తెరకెక్కుతున్న ఈ సినిమా బాక్సాఫీస్ వద్ద ఎలాంటి సంచలనాలు సృష్టిస్తుందో చూడాల్సి ఉంది. కియారా అద్వానీ హీరోయిన్ గా నటిస్తున్న ఈ సినిమాపై మంచి అంచనాలు నెలకొన్నాయి. వచ్చే ఏడాది సమ్మర్ కానుకగా ఈ సినిమా రిలీజ్ కానుందని సమాచారం అందుతోంది. ఈ సినిమాకు సంబంధించి మరిన్ని వివరాలు తెలియాల్సి ఉంది.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
