ఆగస్టు 5న విడుదల కావడానికి కళ్యాణ్ రామ్ ‘బింబిసార’, నిఖిల్ ‘కార్తికేయ 2’ సిద్ధమవుతున్నాయి. అయితే ఇప్పుడు ఈ రెండు సినిమాల్లో ఒకటి వెనక్కి తగ్గాల్సిన పరిస్థితులు కనిపిస్తున్నాయి. ఎందుకంటే ఈ రెండూ కూడా ఫాంటసీ కథలే. పైగా భారీ బడ్జెట్ తో రూపొందించారు. రిస్క్ తీసుకొని రెండూ ఒకేసారి రిలీజ్ చేస్తే ఓపెనింగ్స్ మీద ఎఫెక్ట్ పడుతుందని డిస్ట్రిబ్యూటర్స్ ఆందోళన చెందుతున్నారు. దీంతో ఓ అగ్ర నిర్మాత రంగంలోకి దిగి ఈ విషయాన్ని పరిష్కరించాలని అనుకుంటున్నారు.
అయితే ఈ ఇద్దరు హీరోలు కూడా వెనక్కితగ్గడానికి ఇష్టపడడం లేదని తెలుస్తోంది. దానికి కారణాలు కూడా ఉన్నాయి. ఎందుకంటే ఆ డేట్ ని మిస్ చేసుకుంటే మరో డేట్ కోసం చాలా రోజులు వెయిట్ చేయాల్సి ఉంటుంది. పోనీ ముందుగా రిలీజ్ చేద్దామంటే.. జూలై 29న ‘రామారావు ఆన్ డ్యూటీ’ సినిమా రాబోతుంది. దానికంటే ముందు ‘థాంక్యూ’ సినిమా రిలీజ్ ఉంది. ఈ సినిమాల విషయంలో రెండు, మూడు వారాల పాటు థియేటర్లోనే ఆడించే విధంగా అగ్రిమెంట్స్ చేసుకున్నారట.
వీటితో పోటీగా వెళ్తే స్క్రీన్స్ తగ్గడంతో పాటు కలెక్షన్స్ కూడా షేర్ చేసుకోవాల్సి ఉంటుంది. పోనీ ఆగస్టు 5 తరువాత వద్దామంటే అప్పుడన్నీ వరసగా పెద్ద సినిమాలు ఉన్నాయి. దీంతో రిస్క్ చేయలేకపోతున్నారు. నిజానికి ‘కార్తికేయ2’ సినిమాను జూలై 22న రిలీజ్ చేయాలనుకున్నారు. అలానే రిలీజ్ చేస్తే నిఖిల్ సినిమాకి ఇన్ని ఇబ్బందులు ఉండేవి కావు. కానీ నిర్మాత దిల్ రాజు రిక్వెస్ట్ చేయడంతో ‘కార్తికేయ2’ సినిమాను వాయిదా వేసినట్లు ఇండస్ట్రీ వర్గాల సమాచారం. మరిప్పుడు నిఖిల్, కళ్యాణ్ రామ్ లలో ఎవరైనా వెనక్కి తగ్గుతారేమో చూడాలి!
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
