‘సైరా’ లాంటి సినిమా తీశాక ఇక సురేందర్‌ రెడ్డి జోరును ఆపేదెవరు అని అనుకున్నారు అంతా. అయితే ఆ సినిమా విజయం సూరికి జోరు ఇవ్వడం ఏమో కానీ, కనీసం తర్వాత సినిమా ఏంటి అనే ప్రశ్నకు సమాధానం కూడా ఇవ్వేలేదు. ‘సైరా’ వచ్చి ఇన్ని రోజులైన కొత్త సినిమా మొదలుకాలేదు. అఖిల్‌తో సినిమా ఉంటుందని వార్తలొచ్చాయి. అవి కన్ఫర్మ్‌ అని కూడా అంటున్నారు. ఆ సినిమాతో పాటు మరో సినిమా కూడా సురేందర్‌ రెడ్డి ఓకే చేసుకున్నాడనేది తాజా సమాచారం.
నితిన్‌ – సురేందర్‌ రెడ్డి కలయికలో ఓ సినిమా ఓకే అయ్యిందట. ఠాగూర్‌ మధు నిర్మాణంలో ఈ సినిమా తెరకెక్కుతుందని సమాచారం. ప్రస్తుతం నితిన్‌ ‘చెక్‌’, ‘రంగ్‌దే’ సినిమాలతో బిజీగా ఉన్నాడు. మరోవైపు సూరి.. అఖిల్‌ సినిమా పూర్తి చేయాలి. వీటి తర్వాత నితిన్‌- సూరి కాంబో మొదలవుతుందట. ఎప్పుడు, ఏంటి అనే విషయాల్లో ఇంకా స్పష్టత లేదు. అయితే పెద్ద హీరోతో సినిమా చేశాక, చిన్న హీరోతో సినిమా చేయడం ప్రయోగం అవ్వాలి. కానీ సూరికి ఏంటో ఇలా అవుతోంది. పోనీలే కుర్ర హీరోలతో సినిమా చేసినా వరుసగా చేస్తే చాలు.
ఇక ఈ సినిమా విషయానికొస్తే సూరి నాలుగేళ్లుగా ఈ కథ పని మీద ఉన్నాడట. పవర్‌ఫుల్‌ యాక్షన్‌ ఎంటర్‌టైనర్‌గా ఈ సినిమా ఉండబోతోందట. ఈ పాత్రకు నితిన్‌ సరిగ్గా సరిపోతాడని సూరి భావించాడట. అన్నీ కుదిరితే ఈ ఏడాది ఆఖరులో సినిమా పట్టాలెక్కుతుంది. ఒన్స్‌ స్టార్ట్‌ అయితే సూరి త్వరగా ఫినిష్‌ చేస్తాడు కాబట్టి వచ్చే సమ్మర్‌లో సినిమా తీసుకొచ్చేయొచ్చు.
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
