చరణ్, తారక్ అభిమానులు ఆసక్తిగా ఎదురుచూస్తున్న ఆర్ఆర్ఆర్ మూవీ థియేటర్లలో రిలీజ్ కావడానికి ఒక్కరోజు సమయం మాత్రమే ఉంది. చాలారోజుల తర్వాత థియేటర్లు కళకళలాడుతుండగా ఆర్ఆర్ఆర్ తొలిరోజే 150 కోట్ల రూపాయల షేర్ కలెక్షన్లను సాధించవచ్చని ప్రేక్షకుల్లో అంచనాలు నెలకొన్నాయి. అయితే ఆర్ఆర్ఆర్ సినిమాను బ్యాన్ చేస్తామని కన్నడ ప్రేక్షకులు సోషల్ మీడియాలో కొన్ని హ్యాష్ ట్యాగ్ లను వైరల్ చేస్తున్నారు. కర్ణాటకలోని థియేటర్లలో ఆర్ఆర్ఆర్ తెలుగు వెర్షన్ రిలీజ్ అవుతుండటంతో కన్నడ అభిమానులు ఆగ్రహంతో ఉన్నారు.
Click Here To Watch NEW Trailer
కర్ణాటకలో కన్నడ భాషలో ఆర్ఆర్ఆర్ ను రిలీజ్ చేయకపోతే తాము ఈ సినిమాను ఎలా చూడాలని కామెంట్లు చేస్తున్నారు. శివరాజ్ కుమార్ కన్నడలో ఆర్ఆర్ఆర్ ను రిలీజ్ చేయాలని కోరినా డిస్ట్రిబ్యూటర్ పొరపాటు వల్ల అక్కడ కన్నడ వెర్షన్ రిలీజ్ కావడం లేదు. అయితే కన్నడ అభిమానులు ఆర్ఆర్ఆర్ కన్నడ వెర్షన్ రిలీజ్ కోరడంలో ఎలాంటి తప్పు లేదు. ఆర్ఆర్ఆర్ ను బ్యాన్ చేస్తామంటూ జారీ చేస్తున్న హెచ్చరికలు మాత్రం చరణ్, తారక్ అభిమానులకు కోపం తెప్పిస్తున్నాయి.
కన్నడ ప్రేక్షకులు టాలీవుడ్ పెద్ద సినిమాలు రిలీజ్ అవుతున్న సమయంలో ఇబ్బందులు సృష్టిస్తున్నారని ఫ్యాన్స్ కామెంట్లు చేస్తున్నారు. బాహుబలి రిలీజ్ సమయంలో, పుష్ప రిలీజ్ సమయంలో కన్నడ ప్రేక్షకులు ఇబ్బందులు సృష్టించారని చరణ్, తారక్ ఫ్యాన్స్ చెబుతున్నారు. కర్ణాటకలో ఆర్ఆర్ఆర్ ప్రదర్శనకు ఆటంకం కలిగితే ఏప్రిల్ 14వ తేదీన రిలీజ్ కానున్న కేజీఎఫ్2 విషయంలో తడాఖా చూపిస్తామని కొంతమంది తెలుగు ప్రేక్షకులు చెబుతున్నారు. సమస్య ఉంటే పరిష్కారం కోరాలి తప్ప సినిమాను బ్యాన్ చేయాలని అనుకోవడం ఏమిటని ఫ్యాన్స్ చెబుతున్నారు.
మరోవైపు ఆర్ఆర్ఆర్ రిలీజ్ వల్ల కర్ణాటకలో పునీత్ రాజ్ కుమార్ నటించిన జేమ్స్ మూవీ ఎక్కువ సంఖ్యలో స్క్రీన్లను కోల్పోయిందని తెలుస్తోంది. జేమ్స్ మూవీ యూనిట్ ఈ విషయంలో ఆవేదన వ్యక్తం చేస్తోంది. జేమ్స్ మూవీకి బాగానే కలెక్షన్లు వస్తున్నా ఆర్ఆర్ఆర్ రిలీజ్ వల్ల మంచి థియేటర్లను కోల్పోతున్నామని జేమ్స్ యూనిట్ చెబుతుండటం గమనార్హం.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
