సరిలేరు నీకెవ్వరు వంటి బ్లాక్ బస్టర్ కొట్టిన తరువాత.. అనిల్ రావిపూడి కి ఊహించని విధంగా బ్రేక్ వచ్చింది. ఆ వెంటనే ఇతను ఎఫ్2 కి సీక్వెల్ అయిన ఎఫ్3 ప్లాన్ చేసుకున్నాడు. కానీ కరోనా లాక్ డౌన్ కారణంగా అతని ప్లాన్స్ అప్సెట్ అయ్యాయి. షూటింగ్ లకు పర్మిషన్లు దొరికినా.. రానా పెళ్లి కారణంగా వెంకీ… అటు తరువాత నిహారిక పెళ్లి కారణంగా వరుణ్ తేజ్ లు ఎఫ్3 ని వాయిదా వేస్తూ వచ్చారు. ఎట్టకేలకు ఈ ప్రాజెక్ట్ మొదలైంది లెండి.
ఆగష్ట్ లో విడుదల చేయబోతున్నట్టు అనౌన్స్మెంట్ కూడా ఇచ్చేశారు. అయితే గతేడాది లాగా భవిష్యత్తు లో గ్యాప్ రాకూడదని భావించిన అనిల్ రావిపూడి.. వెంటనే రామ్, నాగార్జున, అఖిల్ వంటి వారికి కథలు వినిపించి ఓకె చేయించుకోవాలి అనుకున్నాడు. కానీ అది వర్కౌట్ అవ్వలేదు. దాంతో ఇప్పుడు మళ్లీ రవితేజ వద్దకు వెళ్ళాడని టాక్. క్రాక్ తరువాత రవితేజ .. రమేష్ వర్మ డైరెక్షన్లో కిలాడి అనే సినిమా చేస్తున్నాడు.
మే లో ఈ చిత్రం విడుదలవుతుంది.ఆ వెంటనే రవితేజ మరో చిత్రానికి కమిట్ అవ్వలేదు. దాంతో అనిల్ .. ఇటీవల రవితేజ ను కలిసి కథ వినిపించాడట. రవితేజ కూడా బాగుంది అన్నాడు. కానీ ఇంకా ఏ డెసిషన్ తీసుకోలేదు. ఎలాగూ రాజా ది గ్రేట్ వంటి హిట్ ఇచ్చాడు కాబట్టి.. ఓకె చేసే అవకాశాలు అయితే ఉన్నాయని ఇన్సైడ్ టాక్.
Most Recommended Video
ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?
