ఎనర్జిటిక్ స్టార్ రామ్ ఇటీవల ‘ఇస్మార్ట్ శంకర్’ చిత్రంతో బ్లాక్ బస్టర్ అందుకున్నాడు. ఇప్పటి వరకూ ఏదో కామెడీ తో కూడిన ప్రేమ కథలు చేస్తూ.. యావేరేజ్ ఫలితాలని అందుకుంటూ వచ్చిన రామ్ ఈసారి… ప్లాపుల్లో ఉన్న దర్శకుడు పూరి జగన్నాథ్ తో ‘ఇస్మార్ట్ శంకర్’ వంటి మాస్ హిట్ అందుకుని అందరి దృష్టి తనపు తిప్పుకున్నాడు. పక్కా తెలంగాణ కుర్రాడిగా మాస్ డైలాగులు చెప్పి… డ్యాన్స్ లతో కూడా ప్రేక్షకుల చేత విజిల్స్ కొట్టించాడు. ఇక ఈ సినిమా తరువాత కిశోర్ తిరుమల డైరెక్షన్లో ఓ సినిమా చేయాల్సి ఉన్నా ప్రస్తుతానికి అది హోల్డ్ లో పెట్టాడట. ఇదే ఊపులో మరో మాస్ టచ్ ఉన్న సినిమా చేస్తే బెటర్ ఆమె ఆలోచనలో ఉన్నాడట.
ఇలాంటి తరుణంలో వరుస ప్లాపులతో సతమతమవుతున్న మాస్ డైరెక్టర్ కు గ్రీన్ సిగ్నల్ ఇచ్చాడట. ఆ మాస్ డైరెక్టర్ మరెవరో కాదు మన వి.వి.వినాయక్. ప్రస్తుతం హీరోగా ఓ సినిమా చేస్తున్న వినాయక్ మరోపక్క ఓ కథను సిద్ధం చేసుకుని హీరో కోసం వెతుకుతున్నాడు. ఇలాంటి టైములో రామ్ దొరికాడు. ఇంకేముంది రామ్ కు కథ వినిపించి ఓకే చేయించేసుకున్నాడట. వినాయక్ వినిపించిన కథలో మాస్ మసాలా అంశాలు పుష్కలంగా ఉండడంతో … రామ్ కి బాగా నచ్చేసిందట. ఈ చిత్రాన్ని స్రవంతి రవికిశోర్ నిర్మించబోతున్నట్టు తెలుస్తుంది. పూరి వరుస ప్లాపుల్లో ఉన్నప్పుడు ‘ఇస్మార్ట్ శంకర్’ ఛాన్స్ ఇచ్చి సక్సెస్ అందుకున్నాడు రామ్. ఇప్పుడు వినాయక్ కు కూడా అలాంటి హిట్టే ఇస్తాడేమో చూడాలి. ఏమైనా ప్లాపుల్లో ఉన్న డైరెక్టర్లకు రామ్.. ఓ వజ్రాయుధంలా మారిపోయినట్టున్నాడు.
