సాధారణంగా ఎంత స్టార్ హీరోయిన్ అయినా స్టోరీలైన్ లేదా నేరేషన్ విని సినిమా యాక్సెప్ట్ చేసేస్తారు. ఒకసారి సినిమాకి ఒకే చెప్పేసిన తర్వాత డైలాగ్స్ ఏంటీ, సీన్స్ ఏంటీ అనేది తప్ప.. క్యారెక్టర్ ఏంటీ, దానికి ఉన్న ఆర్క్ ఏమిటి అనేది నిత్యామీనన్ లాంటి హీరోయిన్లు తప్ప వేరెవరూ పట్టించుకోరు. కానీ.. రష్మిక మాత్రం నాగచైతన్య సరసన నటించేందుకు తాను ఒప్పుకున్న సినిమాకి కథను మళ్ళీ నేరేట్ చేయమని అడిగిందట. శశి అనే కొత్త కుర్రాడు దర్శకుడిగా పరిచయమవుతున్న ఈ చిత్రాన్ని దిల్ రాజు నిర్మించనుండగా.. వచ్చే ఏడాది షూటింగ్ మొదలెట్టాలని ప్లానింగ్ కూడా పూర్తైంది. ఈ టైంలో రష్మిక ఇలా సెకండ్ నేరేషన్ ఇవ్వమని అడగడంతో.. దర్శకనిర్మాతలు కాస్త టెన్షన్ పడ్డారట. మరి రెండోసారి విని రష్మిక ఏమైనా మార్పులు చేయమని కోరుతుందా లేక ఇంకేమైనా అంటుందా అని టెన్షన్ పడుతున్నారు.
ఇకపోతే.. ప్రస్తుతం మహేష్ బాబు, అల్లు అర్జున్ లతో వరుస సినిమాలు చేస్తున్న రష్మిక, త్వరలోనే తమిళంలోనూ స్టార్ హీరోయిన్ హోదాను సంపాదించుకొనేందుకు సన్నాహాలు చేస్తోంది. అక్కడ విజయ్ సరసన నటించే అవకాశం కోసం కాస్త గట్టిగానే ప్రయత్నిస్తోంది. రష్మిక ఇదే పరుగు ఇంకొన్నాళ్లు కంటిన్యూ చేసిందంటే.. నెంబర్.1 హీరోయిన్ అయిపోవడం ఖాయం.
బాలీవుడ్ లో మంచి కలెక్షన్లు రాబట్టిన సౌత్ సినిమాలు..?
చిరంజీవి అతిధి పాత్ర చేసిన సినిమాలు?
