గతేడాది దసరా కానుకగా విడుదలైంది శ్రీకాంత్ కొడుకు రోషన్ హీరోగా నటించిన ‘పెళ్ళిసందD’. ఈ చిత్రానికి మొదటి షోతోనే ప్లాప్ టాక్ నమోదైంది. కానీ ముందు నుండీ పాటలు సూపర్ హిట్ అవ్వడం.. హీరోయిన్ లుక్స్ కూడా యువతని బాగా ఆకర్షించడంతో సినిమాకి టాక్ తో సంబంధం లేకుండా మంచి వసూళ్ళు నమోదయ్యాయి. తెలంగాణతో పాటు ఆంధ్ర బయ్యర్స్ అంతా కూడా సేఫ్ అయిపోయారు. నిజానికి ఈ చిత్రం విడుదలకి ముందు నేరుగా ఓటిటిలో రిలీజ్ చేయమని రూ.4.5 కోట్లకి ఆఫర్ వచ్చింది.
కానీ నిర్మాతలు అందుకు ఓకె చెప్పలేదు. గౌరి రోణంకి దర్శకత్వం వహించిన ఈ చిత్రం రూ.6 కోట్ల బడ్జెట్ లో ఫినిష్ అయ్యిందే. పోనీ థియేట్రికల్ రిలీజ్ చేస్తున్నప్పుడు కూడా డిజిటల్ ప్లస్ శాటిలైట్ రైట్స్ కింద రూ.2 కోట్ల డీల్ వచ్చింది. అది కూడా మంచి ఆఫరే కానీ మేకర్స్ ఓకె చెప్పలేదు. అయితే ఈ చిత్రం రిలీజ్ అయ్యి 5 నెలలు కావస్తున్నప్పటికీ తాజాగా ఈ మూవీకి ఏకంగా రూ.7 కోట్ల డిజిటల్ ప్లస్ శాటిలైట్ బిజినెస్ జరగడం విశేషం.
‘జీ5’ వారు అంత మొత్తానికి ‘పెళ్ళిసందD’ హక్కులను కొనుగోలు చేశారు. ఇది నిజంగానే మామూలు విషయం కాదు. నిజంగా వారు పెట్టిన పెట్టుబడి వెనక్కి వస్తుందో లేదో తెలీదు కానీ.. ఈ చిత్రాన్ని ఒటిటిలో అలాగే బుల్లితెర పై చూడాలనే ఆసక్తి అందరిలోనూ ఉంది. ఈ మధ్య కాలంలో ఇంత లేట్ గా ఓటిటిలో రిలీజ్ కాబోతున్న మూవీ ఇదే..! మరి ఇక్కడ ‘పెళ్ళిసందD’ కి ప్రేక్షకుల నుండీ ఎలాంటి రెస్పాన్స్ లభిస్తుందో చూడాలి..!
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
