2024 లో కూడా సినీ పరిశ్రమని విషాదాలు వీడటం లేదు. నిత్యం ఏదో ఒక బ్యాడ్ న్యూస్ వింటూనే ఉన్నాం. ఇదిలా ఉండగా.. ‘మీర్జాపూర్’ వెబ్ సిరీస్ గురించి చాలా మందికి తెలిసే ఉంటుంది. 2018 లో వచ్చిన ఈ సిరీస్ సంచలనం సృష్టించింది. ఎక్కువగా బోల్డ్ సీన్లు ఉండటం అలాగే చాలా బూతులు ఉండటంతో.. యూత్ ఈ వెబ్ సిరీస్ ను బాగా వైరల్ అయ్యేలా చేశారు. సోషల్ మీడియాలో ఇప్పటికీ ఈ వెబ్ సిరీస్ గురించి డిస్కషన్ జరుగుతూనే ఉంటుంది.
దీనికి సీజన్ 2 కూడా 2020 లో వచ్చింది. కానీ అది సీజన్ 1 ని మ్యాచ్ చేయలేదు అనే చెప్పాలి. ఇక ఈ సిరీస్ లో నటించిన ఓ నటుడు ఇంట్లో తాజాగా ఘోరమైన సంఘటన చోటు చేసుకుంది. వివరాల్లోకి వెళితే… ‘మీర్జాపూర్’ వెబ్ సిరీస్ ద్వారా పాపులర్ అయిన పంకజ్ త్రిపాఠి (Pankaj Tripathi) ఇంట్లో తీవ్ర చోటు చేసుకుంది. ఆయన బావగారు అయిన రాజేశ్‌ .. రోడ్డు ప్రమాదంలో మృతి చెందారు. అతని సరితకు కూడా తీవ్రంగా గాయపడినట్లు తెలుస్తుంది.
దీంతో పంకజ్ త్రిపాఠి అండ్ ఫ్యామిలీ.. విషాదంలో కూరుకుపోయింది అని చెప్పాలి. శనివారం సాయంత్రం నాడు బిహార్‌లోని గోపాల్‌ఘంజ్‌ జిల్లా నుండి రాజేష్- సరిత.. దంపతులు పశ్చిమ బెంగాల్‌కు పయనమయ్యారు. ఈ క్రమంలో ఢిల్లీ-కోల్‌కతా నేషనల్ హైవె వద్ద ఒక్కసారిగా కారు అదుపు తప్పినట్టు పోలీసులు తెలిపారు. ఆ టైంలో కారు డివైడర్ ను బలంగా ఢీకొట్టడంతో.. ఈ ఘోరమైన సంఘటన చోటు చేసుకున్నట్లు కూడా వారు తెలిపారు.
