తెలుగు చిత్ర పరిశ్రమలో క్రేజ్ ఉన్న హీరోల జాబితాలో ముందుండే వారు పవన్ కళ్యాణ్, మహేష్ బాబు. ఇద్దరికీ మంచి ఫాలోయింగ్ ఉంది. వీరి చిత్రాలు మొదలయినప్పటినుంచీ అప్ డేట్స్ తెలుసుకోవడానికి అభిమానులు ఆసక్తిగా ఎదురుచూస్తుంటారు. అందుకే ప్రిన్స్ తన సినిమా వివరాలను ఎప్పటికప్పుడు ఫ్యాన్స్ కి చేరవేస్తుంటారు. పవర్ స్టార్ మాత్రం ఈ విషయంలో కొంత వెనుకే ఉంటారు. ప్రచార విషయంలో పెద్దగా పట్టించుకోరు. కానీ ఇప్పుడు స్టైల్ మార్చారు. డాలీ దర్శకత్వంలో అయన నటిస్తున్న కాటమరాయుడు చిత్రం గురించి అభిమానులతో ఎక్కువగా షేర్ చేసుకుంటున్నారు. ఈ చిత్రం వచ్చే ఏడాది ఉగాదికి థియేటర్లకు వస్తున్నప్పటికీ ముందుగానే పోస్టర్స్ రిలీజ్ చేస్తున్నారు.
దీపావళికి ఫస్ట్ లుక్ విడుదల చేసి అభిమానుల కళ్లలో ఆనందం నింపిన పవన్.. జనవరి ఫస్ట్ కి మరో పోస్టర్ రిలీజ్ చేసి శుభాకాంక్షలు తెలుపుతున్నారు. ఇప్పటికే దీనికి సంబంధించిన ప్రీ లుక్ సోషల్ మీడియాలో హడావుడి చేస్తోంది. ఈసారి సూపర్ స్టార్ మాత్రం సస్పెన్స్ ని మెయింటైన్ చేస్తున్నారు. మురుగదాస్ దర్శకత్వంలో ఆయన నటిస్తున్న మూవీ గురించి ఏ విషయం లీక్ చేయడంలేదు. ఇప్పటివరకు చిత్రం టైటిల్ కూడా వెల్లడించలేదు. వీరిద్దరిని గమనిస్తుంటే తమ స్టైల్ ని మార్చుకున్నారా? అని అనిపిస్తోంది.
Also, do SUBSCRIBE to our YouTube channel to get latest Tollywood updates.
