కెరీర్ ప్రారంభంలోనే నాని హీరోగా వచ్చిన ‘మజ్ను’ చిత్రంలో ఛాన్స్ కొట్టేసి మంచి క్రేజ్ ను సంపాదించుకుంది. ఆ చిత్రం తర్వాత రాజ్ తరుణ్ ‘కిట్టు ఉన్నాడు జాగ్రత్త’ అనే చిత్రం కూడా చేసి పర్వాలేదనిపించింది. యూత్ అట్రాక్ట్ చేసే కళ.. ఈమె మోహంలో పుష్కలంగా ఉంటుంది. అందుకే వరుసగా పెద్ద సినిమా అవకాశాలు ఈమె తలుపు తట్టాయి. ఈ పాటికే ఎవరి గురించి చెబుతున్నానో అర్థమైపోయుంటుందిగా.. అదేనండీ మన అనూ ఇమ్మాన్యూయల్. అతి తక్కువ సమయంలోనే పవన్ కళ్యాణ్ తో సినిమా చేసే అవకాశం కొట్టేసింది ఈ బ్యూటీ. తరువాత అల్లు అర్జున్, నాగ చైతన్య వంటి క్రేజీ హీరోల సరసన కూడా సినిమాలు చేసింది. అయితే అవేమీ ఆశించిన స్థాయిలో ఆడలేదు. దీంతో ఈమెకు అవకాశాలు ఎక్కువ రాలేదు. ఇక్కడ లాభం లేదనుకుని కోలీవుడ్ చెక్కేసింది. అక్కడ కూడా ఈమె సక్సెస్ కాలేకపోయింది.
ఫలితంగా ఈమెకు రెండు చోట్ల ఆఫర్లు రావడం లేదు. దాంతో ఇప్పుడు ప్లాప్ హీరోలైనా… చిన్న హీరోలైనా పర్వాలేదని అందరికీ ఓకే చెప్పేస్తుంది. బెల్లంకొండ శ్రీనివాస్ హీరోగా తెరకెక్కుతోన్న ఓ చిత్రానికి ఈమె సైన్ చేసిందట. అంతేకాదు.. అల్లు శిరీష్ తో కూడా ఓ సినిమా చెయ్యడానికి రెడీ అయిపోయినట్టు తెలుస్తుంది. చిరంజీవి చిన్నల్లుడు హీరోగా వచ్చిన ‘విజేత’ చిత్రం అందరికీ గుర్తుండే ఉంటుంది. ఈ చిత్రాన్ని డైరెక్ట్ చేసిన రాకేష్ శశి ఇప్పుడు శిరీష్ తో ఓ చిత్రం చేయబోతున్నాడట. ‘జిఏ2 పిక్చర్స్’ సంస్థ ఈ చిత్రాన్ని నిర్మించబోతోంది. ఇది ఓ రీమేక్ చిత్రమని తెలుస్తుంది. ఎలాగూ ‘గీత ఆర్ట్స్’ వారి బ్యానర్ కాబట్టి.. ఈ చిత్రం మినిమం గ్యారంటీ..! మరి ఈ చిత్రంతో అయినా హిట్టు కొట్టి అనూ ఇమ్మాన్యూయల్.. టాలీవుడ్ లో బిజీ అవుతుందేమో చూడాలి..!
Most Recommended Video
నిర్మాతలుగా కూడా సత్తా చాటుతున్న టాలీవుడ్ హీరోలు
మోస్ట్ డిజైరబుల్ విమెన్ 2019 లిస్ట్
టైమ్స్ మోస్ట్ డిజైరబుల్ మెన్ 2019 లిస్ట్
సొంత మరదళ్ళను పెళ్లాడిన టాప్ స్టార్స్
