పవర్ స్టార్ పవన్ కళ్యాణ్, రానా దగ్గుబాటి లు హీరోలుగా మలయాళంలో సూపర్ హిట్ అయిన ‘అయ్యప్పనుమ్ కోషియమ్’ మూవీ తెలుగులోకి రీమేక్ అవుతున్న సంగతి తెలిసిందే. ‘పి.డి.వి. ప్రసాద్’ సమర్పణలో, ‘సితార ఎంటర్‌టైన్మెంట్స్’ బ్యానర్ పై సూర్యదేవర నాగవంశీ ఈ చిత్రాన్ని నిర్మిస్తున్నారు.’అయ్యారే’ ‘అప్పట్లో ఒకడుండేవాడు’ వంటి విభిన్న కథా చిత్రాలను తెరకెక్కించిన సాగర్.కె.చంద్ర ఈ చిత్రానికి దర్శకత్వం వహిస్తున్నాడు. కరోనా సెకండ్ వేవ్ కారణంగా ఆగిపోయిన ఈ చిత్రం షూటింగ్ తిరిగి స్టార్ట్ అయ్యింది.
‘గబ్బర్ సింగ్’ ‘సర్దార్ గబ్బర్ సింగ్’ తర్వాత మరోసారి పవన్ కళ్యాణ్ ఈ చిత్రంలో పోలీస్ ఆఫీసర్ పాత్రలో కనిపించనున్నాడు. తాజాగా పవన్ కళ్యాణ్ షూటింగ్‌లో జాయిన్ అయ్యారనే విషయాన్ని తెలియజేస్తూ చిత్ర యూనిట్ సభ్యులు ఓ ఫోటోని సోషల్ మీడియాలో షేర్ చేశారు. ‘భీమ్లా నాయక్ ఈజ్ బ్యాక్ ఆన్ డ్యూటీ’ అంటూ పవన్ కళ్యాణ్ పాత్ర పేరుని రివీల్ చేస్తూ సెట్‌లో పోలీస్ గెటప్‌లో ఉన్న పవన్ పిక్ ను షేర్ చేశారు.
సోషల్ మీడియాలో ఈ పిక్ తెగ వైరల్ అవుతుండడం విశేషం. మాటల మాంత్రికుడు త్రివిక్రమ్ ఈ చిత్రానికి స్క్రీన్ ప్లే- సంభాషణలు అందిస్తున్న సంగతి తెలిసిందే.తమన్ ఈ చిత్రానికి సంగీతం అందిస్తున్నాడు. ఇక పవన్ పిక్ పై అతని భక్తుడు ప్రముఖ నిర్మాత అయిన బండ్ల గణేష్ తన సోషల్ మీడియా ఖాతా ద్వారా స్పందిస్తూ… ‘దేవర వేట మొదలైంది’ అంటూ కామెంట్ చేసాడు.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
