పవర్ స్టార్ పవన్ కళ్యాణ్ రీఎంట్రీ సినిమా వకీల్ సాబ్ ఈ ఏడాది విడుదలై సక్సెస్ సాధించిన సంగతి తెలిసిందే. పవన్ వకీల్ సాబ్ తరువాత నటిస్తున్న సినిమా సాగర్ కె చంద్ర డైరెక్షన్ లో భీమ్లా నాయక్ పేరుతో తెరకెక్కుతోంది. ఇప్పటికే ఈ సినిమా సంక్రాంతి కానుకగా జనవరి 12వ తేదీన రిలీజ్ కానుందని ప్రకటన వెలువడనుంది. అయితే వేర్వేరు కారణాల వల్ల ఈ సినిమా రిలీజ్ డేట్ మారనుందని వార్తలు ప్రచారంలోకి వస్తున్నాయి.
వచ్చే ఏడాది మహా శివరాత్రి కానుకగా ఈ సినిమా రిలీజ్ కానుందని తెలుస్తోంది. ఆచార్య రిలీజ్ డేట్ గురించి క్లారిటీ వస్తే భీమ్లా నాయక్ రిలీజ్ డేట్ విషయంలో కూడా క్లారిటీ వచ్చే అవకాశాలు ఉంటాయి. అయ్యప్పనుమ్ కోషియమ్ రీమేక్ గా ఈ సినిమా తెరకెక్కనుండగా పవన్ ఫ్యాన్స్ ఈ మూవీ కొరకు ఆసక్తిగా ఎదురు చూస్తున్నారు. ఎప్పుడు రిలీజైనా ఈ మూవీ బ్లాక్ బస్టర్ హిట్ కావడంతో పాటు రికార్డులు క్రియేట్ చేస్తుందని పవన్ ఫ్యాన్స్ భావిస్తున్నారు.
దర్శకుడు త్రివిక్రమ్ తెలుగు నేటివిటీకి తగిన విధంగా మార్పులు చేయడంతో అయ్యప్పనుమ్ కోషియమ్ మూవీ చూసిన వాళ్లకు సైతం ఈ సినిమా నచ్చే అవకాశాలు అయితే ఎక్కువగా ఉన్నాయి. పవన్ ఈ సినిమాలో పోలీస్ గెటప్ లో కనిపించనుండగా పవన్ రానా మధ్య వచ్చే సీన్స్ ప్రేక్షకులకు గూస్ బంప్స్ వచ్చేలా ఉంటాయని సమాచారం. భీమ్లా నాయక్ గురించి వైరల్ అవుతున్న వార్తలు సినిమాపై అంచనాలను అంతకంతకూ పెంచుతున్నాయి.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
