టాలీవుడ్ స్టార్ హీరోలలో ఒకరైన పవన్ కళ్యాణ్ వరుస సినిమాలతో బిజీగా ఉంటూనే ఏపీలో జనసేన పార్టీని బలోపేతం చేయాలని భావిస్తున్నారు. తాజాగా ఈ హీరో ఖరీదైన బంగ్లాను కొనుగోలు చేశారని తెలుస్తోంది. 676 గజాల విస్తీర్ణంలో 12 కోట్ల రూపాయలు ఖర్చు చేసి పవన్ కళ్యాణ్ జూబ్లీహిల్స్ లో బంగ్లాను కొనుగోలు చేసినట్టు సమాచారం అందుతోంది. గత నెల 23వ తేదీన బంగ్లాకు సంబంధించిన రిజిస్ట్రేషన్ జరిగినట్టు సమాచారం.
టాలీవుడ్ లో రికార్డు స్థాయిలో రెమ్యునరేషన్ తీసుకుంటున్న హీరోలలో పవన్ కళ్యాణ్ ఒకరు. పవన్ ఒక్కో సినిమాకు 50 కోట్ల రూపాయల వరకు పారితోషికం తీసుకోవడంతో పాటు సినిమా బ్లాక్ బస్టర్ హిట్టైతే లాభాల్లో వాటా తీసుకుంటున్నారు. ప్రముఖ వెబ్ సైట్లలో ఒకటైన zapkey.com పవన్ బంగ్లాను కొనుగోలు చేసినట్టు వెల్లడించింది. హైదరాబాద్ లోని ఖరీదైన ప్రాంతాలలో జూబ్లీహిల్స్ కూడా ఒకటి. ఈ ఏరియాలో గజం లక్షన్నర రూపాయల నుంచి రెండు లక్షల రూపాయల వరకు పలుకుతోందని తెలుస్తోంది.
చాలామంది సెలబ్రిటీలు ఈ ఏరియాలో ఇండిపెండెంట్ హౌస్ లను కొనుగోలు చేయడానికి ఆసక్తి చూపుతుండటం గమనార్హం. మరోవైపు పవన్ నటిస్తున్న భీమ్లా నాయక్, హరిహర వీరమల్లు సినిమాలు వచ్చే ఏడాది రిలీజ్ కానున్నాయి. హరిహర వీరమల్లు సినిమా పాన్ ఇండియా మూవీగా తెరకెక్కుతుండగా ఈ సినిమాకు రికార్డు స్థాయిలో బిజినెస్ జరుగుతోందని తెలుస్తోంది. ఈ సినిమాలతో పాటు పవన్ కళ్యాణ్ హరీష్ శంకర్ డైరెక్షన్ లో ఒక సినిమాలో నటిస్తున్నారు.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
