సుమ ప్రధాన పాత్రలో తెరకెక్కుతున్న ‘జయమ్మ పంచాయితీ’ చిత్రం మే 6న విడుదల కాబోతుంది. విడుదల తేదీ దగ్గర పడుతుండడంతో ప్రమోషన్లను వేగవంతం చేసింది చిత్ర బృందం. అందులో భాగంగా ఈరోజు ట్రైలర్ ను పవన్ కళ్యాణ్ చేతులు మీదుగా విడుదల చేసారు. అనంతరం పవన్ కళ్యాణ్ చిత్ర బృందానికి ఆల్ ది బెస్ట్ చెప్పారు. అందుకు సంబంధించిన వీడియో ఇప్పుడు వైరల్ గా మారింది.
పవన్ కళ్యాణ్ మాట్లాడుతూ.. ” సుమ గారు దాదాపు దశాబ్ద కాలం తర్వాత కథానాయికగా నటిస్తున్నారు.సుమగారి పై నాకు ప్రత్యేకమైన అభిమానం. నేను చాలా ఆత్మీయంగా మాట్లాడగలిగే వ్యక్తి. సినిమా ఫంక్షన్లలో నేను అస్సలు మాట్లాడలేను. కానీ నన్ను మాట్లాడించగల శక్తి ఆవిడలో ఉంది. ‘పంజా’ సినిమా టైములో ఆవిడ నన్ను ఇంటర్వ్యూ చేశాను అన్నారు. కానీ నాకు అది గుర్తులేదు. ఇక నాకు ఇష్టమైన ఉత్తరాంధ్ర నేపథ్యంలో ఈ కథ జరగడం నాకు నిజంగా చాలా ఆనందంగా ఉంది.
ఉత్తరాంధ్ర నేపథ్యం మీద వచ్చే కథలు చాలా తక్కువగా ఉంటాయి. అది గొప్ప కళలకు పుట్టినిల్లు అది.గొప్ప గొప్ప కవులు తెలుగు భాషని ముందుకు తీసుకొచ్చిన వాళ్ళు. అలాంటి మహానుభావులందరినీ పుట్టించిన నేల నుంచి, అంత గొప్ప రచయితలు వచ్చిన నేల నుంచి ఆ ప్రాంతం తాలూకు, ఆ మాండలికంలో, ఆ సంస్కృతికి సంబంధించిన ఈ కథ చాలా బాగుంటుంది అని ట్రైలర్ చూస్తే అర్ధమవుతుంది. ట్రైలర్ చాలా బాగుంది. మనసుకి హత్తుకుపోయే పాత్రలు, అక్కడి జనాలకి వచ్చే సమస్యలు ఈ మూవీలో చక్కగా చూపించారని విన్నాను.
కొన్ని విజువల్స్ చూస్తే ‘నిరీక్షణ’ లో బాలు మహేంద్ర గారు గుర్తుకొచ్చారు.ఈ మూవీలో సింక్ సిస్టం వాడారు అని విన్నాను. అది అంత ఈజీ కాదు. నటీనటులు చాలా అలెర్ట్ గా ఉండాలి. నేను కూడా ఆ సిస్టంతో రెండు, మూడు సినిమాలు చేశాను. ఇంత మంచి మూవీ నిర్మించడానికి ముందుకొచ్చిన ‘వెన్నెల క్రియేషన్స్’ వారికి, దర్శకులు విజయ్ గారికి నా హృదయపూర్వక అభినందనలు తెలియజేసుకుంటున్నాను. ఈ మూవీ మంచి విజయం సాధించాలని కోరుకుంటున్నాను” అంటూ చెప్పుకొచ్చారు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
