పవన్ కళ్యాణ్ (Pawan Kalyan) .. సినిమాలకి గ్యాప్ ఇచ్చి 8 నెలలు పూర్తి కావస్తోంది. ఎన్నికల కోసం పవన్ తన సినిమాలకి గ్యాప్ ఇచ్చారు.ప్రచారంలో బాగా కష్టపడ్డారు. తర్వాత ఎన్నికల్లో ఘన విజయం సాధించారు. ఇప్పుడు కీల‌క‌మైన మంత్రిత్వ శాఖ‌ల్లో భాగమయ్యారు. పవన్ పదవుల రీత్యా జనాలకి దగ్గరగా ఉండాల్సిన బాధ్యత ఉంది. ఇలాంటి టైంలో పవన్ కళ్యాణ్.. సినిమాలు చేసే ఛాన్స్ ఉందా? అంటే కచ్చితంగా కుదరని పని. అయినప్పటికీ.. పవన్ కళ్యాణ్ 3 సినిమాలు పూర్తి చేయాలి.
నిర్మాతలు పవన్ ను నమ్మి.. ఆ 3 సినిమాలకి చాలా డబ్బులు పెట్టారు. డబ్బుల సంగతి పక్కన పెడదాం. అవసరమైతే పవన్ కళ్యాణ్.. నిర్మాతలు పెట్టిందంతా వెనక్కి ఇచ్చేసే రకమే. ఉన్నది అమ్మేసి అయినా ఆయన డబ్బులు వెనక్కి ఇచ్చేస్తాడు. కానీ మేటర్ అది కాదు..! పవన్ కంప్లీట్ చేయాల్సిన ఆ 3 సినిమాలు, అంటే.. ‘హరిహర వీరమల్లు’ (Hari Hara Veera Mallu) ‘ఉస్తాద్ భగత్ సింగ్’ (Ustaad Bhagat Singh) ‘ఓజి'(OG Movie) ..! వీటి కోసం అభిమానులు కూడా ఎంతో ఆసక్తిగా ఎదురుచూస్తున్నారు.
వారిని నిరాశ పరచకుండా.. ఆ సినిమాలు కచ్చితంగా కంప్లీట్ చేస్తానని పవన్ హామీ ఇచ్చినట్లు ఇన్సైడ్ టాక్. వారంలో 2 రోజుల పాటు షూటింగ్లో పాల్గొంటానని పవన్ చెప్పారట. 2019 నుండి పవన్ ఎక్కువగా జనాల్లోనే తిరుగుతూ ఉన్నారు. అయినా సరే 3 సినిమాలు చేశారు. ఇంకో 3 సినిమాలు కూడా సెట్స్ పైకి వెళ్లాయి. సగం షూటింగ్ కూడా జరుపుకున్నాయి. సో ఈ సినిమాలు కంప్లీట్ చేయడం పవన్ కళ్యాణ్ కి పెద్ద టాస్క్ కాదు.
