ఇండస్ట్రీకి పరిచయమయ్యే హీరోయిన్లందరూ స్టార్లు అయిపోరు. టాలెంట్, అందంతో పాటు కాస్త అదృష్టం కూడా ఉండాలి. లేకపోతే అంతే సంగతులు. పాపం.. పాయల్ రాజ్ పుత్ పరిస్థితి కూడా అలానే తయారైంది. గ్లామర్ షో విషయంలో ఎక్కడా తగ్గని ఈ బ్యూటీకి అవకాశాలు మాత్రం తగ్గడం లేదు. ఫ్యూచర్ లో ఏ మేరకు వస్తాయో కూడా తెలియదు. అందుకే ఇకపై రెమ్యునరేషన్ పైనే దృష్టి పెట్టాలని చూస్తోంది. టాలీవుడ్ లో ఏ సినిమాకైనా గ్రీన్ సిగ్నల్ ఇవ్వడానికి రెడీగా ఉంది పాయల్.
కథ ఏదైనా.. అందులో హీరో ఎవరైనా.. దర్శకుడు ఎవరైనా కాల్షీట్స్ ఇవ్వడానికి పాయల్ రెడీ. కానీ ఆమె అడిగినంత రెమ్యునరేషన్ ఇవ్వాల్సి ఉంటుంది. అలా తను కోరినంత పారితోషికం ఇచ్చిన నిర్మాతల సినిమాలకు ఓకే చెబుతుందట పాయల్. ‘ఆర్ఎక్స్100’ సినిమాతో ఒక్కసారిగా ఇండస్ట్రీని తనవైపు చూసేలా చేసిన పాయల్.. ఆ క్రేజ్ ను సరిగ్గా వాడుకోలేకపోయింది. కథలను ఎన్నుకునే విషయంలో తప్పులు చేయడంతో వరుస ఫ్లాప్ లను చవిచూసింది. దీంతో ఆమె కెరీర్ బాగా డల్ అయిపోయింది.
అవకాశాలు కూడా తగ్గిపోయాయి. ఓటీటీ ఛాన్స్ లు కూడా రావడం లేదు. ఇక టాలీవుడ్ లో తన కెరీర్ ఊపందుకోవడం కష్టమని భావించిన పాయల్.. ఉన్నంతలో రెమ్యునరేషన్ లాగాలని చూస్తోంది. ఎలాంటి మొహమాటాలు పెట్టుకోకుండా.. తన దగ్గరకి వస్తోన్న నిర్మాతలను రూ.40 లక్షలు డిమాండ్ చేస్తోందట. ప్రస్తుతం ఈ బ్యూటీ తెలుగులో ‘కిరాతక’ అనే సినిమాలో నటిస్తోంది. అలానే పంజాబీ సినిమాలపై దృష్టి పెట్టింది.
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
