‘ఆర్ఎక్స్ 100’ సినిమాతో తెలుగు ప్రేక్షకులకు దగ్గరైన నటి పాయల్ రాజ్ పుత్. సెన్సేషనల్ కథతో టాలీవుడ్ లో ఎంట్రీ ఇచ్చినప్పటికీ.. స్టార్ స్టేటస్ మాత్రం అందుకోలేకపోయింది. గ్లామర్ షో విషయంలో హద్దులు పెట్టుకోకుండా నటించే ఈ బ్యూటీకి సరైన అవకాశాలు రాలేదు. ‘వెంకీమామ’, ‘డిస్కోరాజా’ లాంటి సినిమాలు అమ్మడు కెరీర్ కి ఎంతమాత్రం కలిసిరాలేదు. దీంతో తరచూ ఫోటోషూట్ లలో పాల్గొంటూ యూత్ ని ఎట్రాక్ట్ చేసే పనిలో పడింది.
అయితే ఇప్పుడు తన రూటు మార్చి సక్సెస్ అందుకోవాలని చూస్తుంది. ఇన్నాళ్లు తన అందాల ఆరబోతతో ప్రేక్షకులను ఆకట్టుకున్న ఈ బ్యూటీ ఇప్పుడు గ్లామర్ షోకి బ్రేక్ ఇచ్చి.. డిఫరెంట్ క్యారెక్టర్ లో నటిచడానికి సిద్ధమవుతోంది. గతేడాది ‘అనగనగా ఓ అతిథి’ అనే సినిమాలో డీగ్లామరస్ రోల్ లో నటించిన పాయల్ ఇప్పుడు ఓ వెబ్ సిరీస్ కోసం విలన్ అవతారం ఎత్తబోతుంది. ప్రముఖ ఓటీటీ ఫ్లాట్ ఫామ్ ‘ఆహా’ టాలీవుడ్ సెలబ్రిటీలతో వరుస వెబ్ సిరీస్ ను నిర్మిస్తోంది.
ఇప్పుడు పాయల్ రాజ్ పుత్ ప్రధాన పాత్రలో ‘త్రీ రోజెస్’ అనే వెబ్ సిరీస్ ను రూపొందించబోతుంది. ఈ సిరీస్ లో పాయల్ నెగెటివ్ షేడ్స్ ఉన్న పాత్రలో కనిపించనుందని సమాచారం. ఈ సిరీస్ లో పాయల్ పాత్ర హైలైట్ గా నిలుస్తుందని.. దీంతో అమ్మడు క్రేజ్ మరింత పెరుగుతుందని నమ్మకంగా చెబుతున్నారు. మరి ఈ వెబ్ సిరీస్ సక్సెస్ అయితే.. పాయల్ ఇదే రూట్ లో వెళ్తుందో.. లేక ఎప్పటిలానే గ్లామర్ ని నమ్ముకుంటుందో చూడాలి!
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
