టాలీవుడ్ లో స్టార్ హీరోయిన్ గా దూసుకుపోతుంది పూజాహెగ్డే. ఇటీవలే ‘ఆచార్య’, ‘మోస్ట్ ఎలిజిబుల్ బ్యాచిలర్’, ‘రాధేశ్యామ్’ వంటి సినిమాలను పూర్తి చేసిన ఈ బ్యూటీ ఇప్పుడు మరిన్ని సినిమాలను గ్రీన్ సిగ్నల్ ఇస్తోంది. పవన్ కళ్యాణ్-హరీష్ శంకర్ కాంబినేషన్ లో తెరకెక్కనున్న ‘భవదీయుడు భగత్ సింగ్’ సినిమాలో హీరోయిన్ గా పూజాహెగ్డేను తీసుకోబోతున్నట్లు సోషల్ మీడియాలో వార్తలొచ్చాయి. అందుతున్న సమాచారం ప్రకారం.. ఇప్పుడు సినిమాలో పూజాహెగ్డేనే హీరోయిన్ గా ఫైనల్ చేసినట్లు తెలుస్తోంది.
తాజాగా పూజాహెగ్డే ఈ సినిమాకి సంబంధించిన అగ్రిమెంట్ పై సంతకం పెట్టినట్లు సమాచారం. టాలీవుడ్ లో దాదాపు స్టార్ హీరోలందరి సరసన నటించిన పూజాహెగ్డే తొలిసారి పవన్ కళ్యాణ్ తో కలిసి రొమాన్స్ చేయబోతుంది. అయితే హరీష్ శంకర్ దర్శకత్వంలో మాత్రం ఆమెకిది మూడో సినిమా. త్వరలోనే పూజాహెగ్డే పేరుని అధికారికంగా ప్రకటించనున్నారు. ఈ డిసెంబర్ నుంచి సినిమాను సెట్స్ పైకి తీసుకెళ్లాలని హరీష్ శంకర్ ప్లాన్ చేస్తున్నారు.
పొలిటికల్ బ్యాక్ డ్రాప్ లో మెసేజ్ ఓరియెంటెడ్ గా ఈ సినిమాను తెరకెక్కిస్తున్నారు. మైత్రి మూవీస్ బ్యానర్ పై తెరకెక్కుతోన్న ఈ సినిమాకి దేవిశ్రీప్రసాద్ సంగీతం అందిస్తున్నారు.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
