‘దువ్వాడ జగన్నాథం’ (డిజె) చిత్రంతో మళ్ళీ తెలుగులో రీ ఎంట్రీ ఇచ్చి దుమ్ముదులుపుతుంది పూజా హెగ్దే. స్టార్ హీరోలకు ఫస్ట్ ఛాయిస్ గా మారిపోయింది. ఎన్టీఆర్ తో ‘అరవింద సమేత’ , మహేష్ బాబు తో ‘మహర్షి’ , అల్లు అర్జున్ తో మళ్ళీ ‘అల వైకుంఠపురములో’ వంటి చిత్రాల్లో నటించడం.. అవి కూడా సూపర్ హిట్ అవ్వడంతో స్టార్ హీరోయిన్ అయిపొయింది పూజా హెగ్దే. ఇప్పుడు ప్రభాస్ సినిమాలో కూడా నటించే ఛాన్స్ కూడా కొట్టేసింది ఈ బ్యూటీ. ప్రభాస్ సినిమాతో పాటు అఖిల్ హీరోగా వస్తున్న ‘మోస్ట్ ఎలిజిబుల్ బ్యాచలర్’ చిత్రంలో కూడా నటిస్తుంది.
ఇదిలా ఉంటే.. ఇప్పుడు దుల్కర్ సల్మాన్ హీరోగా నటిస్తున్న చిత్రంలో నటించడానికి గ్రీన్ సిగ్నల్ ఇచ్చింది. మమ్ముట్టి కొడుకుగా హీరోగా ఎంట్రీ ఇచ్చినప్పటికీ.. మంచి కథల్ని ఎంచుకుంటూ మలయాళంలో పెద్ద స్టార్ గా ఎదిగాడు దుల్కర్ సల్మాన్. తెలుగులో కూడా ఇతనికి మంచి మార్కెట్ ఏర్పడింది.’మహానటి’ చిత్రంలో జెమినీ గణేశన్ పాత్రలో అద్భుతమైన నటన కనపరిచిన దుల్కర్.. తెలుగు ప్రేక్షకులకు మరింత దగ్గరయ్యాడు. ‘ఓకే బంగారం’ ‘కనులు కనులను దోచాయంటే’ వంటి డబ్బింగ్ చిత్రాలతో కూడా మంచి క్రేజ్ ను సొంతం చేసుకున్నాడు.
ఇప్పుడు స్ట్రెయిట్ తెలుగు సినిమా చెయ్యడానికి రెడీ అయ్యాడు. ‘అందాల రాక్షసి’ ‘కృష్ణగాడి వీర ప్రేమ గాథ’ ‘లై’ ‘పడి పడి లేచె మనసు’ వంటి చిత్రాలు తెరకెక్కించిన హను రాఘవపూడి డైరెక్షన్లో ఈ చిత్రం తెరకెక్కనుంది. దుల్కర్ మలయాళంలో పెద్ద స్టార్ హీరో కాబట్టి ఇతని సినిమాలో హీరోయిన్ గా నటిస్తే మలయాళంలో కూడా మంచి గుర్తింపు వస్తుంది. అక్కడ కూడా రాణించవచ్చు అని పూజ డిసైడ్ అయ్యిందట. అందుకే ఈ ప్రాజెక్ట్ కు ఓకే చెప్పినట్టు తెలుస్తుంది.
Most Recommended Video
ఎన్టీఆర్ రిజెక్ట్ చేసిన 12 సినిమాలు!
తెలుగు హీరోలను చేసుకున్న తెలుగురాని హీరోయిన్స్
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
